Còrsich

De Wikipedia
Lumbard ucidental Quest articol chì l'è scrivuu in lombard, grafia milanesa.
Corsich
Comun
Corsich - Bandera Corsich - Stema
Corsich - Sœmeanza
Corsich - Sœmeanza
Dats aministrativ
Stat Itàlia
Rejon Lombardia
Provinça Provincia de Milan
Capolœg Corsico
Politega
Sindeg
Orgen lejislativ Consili comunal
Territore
Coordinade 45°26′N 9°07′E / 45.433333°N 9.116667°E45.433333; 9.116667
OSM 44993
Voltituden 113 m s.l.m
Superfix 5,36 km²
Abitants 34 373 ab.
(1º genar 2023)
Densitaa 6412.87 ab./km²
Confin Buccinasch, Milan, Trezzan sul Navili e Cesan Boscon
Fus orari UTC+01:00 e UTC+02:00
Varie
Prefiss 02
Codex postal 20094
Sigla autom. MI
Codex ISTAT 015093
Codex catastal D045
Cl. climatega
Cl. sismega
Localizazion
Corsich - Localizazion
Corsich - Localizazion
Sit istituzional

Còrsich (Corsico) l'è on comun de la Provincia de Milan che 'l cunta 35 032 abitant: el se troeuva longh el Navili Grand e 'l confina con Milan, Bucinasch, Cesan Boscon e Trezzan sul Navili.

Stòria[Modifega | modifica 'l sorgent]

Còrsich la nass intorna al 1200 in del territòri percors del canal del Navili Grand, la costruzion del qual l'è scominciada vers el 1259 a òpera del Marin Torrian. La famiglia di Torrian l'è stada battuda di Viscont in de la Battaglia de Des (1277), che hinn divegnuu i padron de Milan per oltra duu secoi. Còrsich, che la faseva part del Ducaa de Milan, la gh'aveva in sul pròppi territòri la Tegnuda Torrian (poeu Viscont) e la villa del condotter Niccolò Piccinino (1380-1444), general al servizzi del Filipp Maria Viscont. In del 1525 a Còrsich l'è stada fondada l'Opera Pia Vimercati per la distribuzion del pan ai famili pòver.

In del 1706 Còrsich l'è stada quarter general de l'esercit austriach de l'Eugeni de Savòia, che 'l batt l'ultim governador spagnoeu.

Milan e 'l sò territòri passen donca del domini spagnoeu a quell austriach (1706-1859), con dò interruzion frances. In età napoleòniga (1811-1816) a Còrsich hinn staa taccaa i comun de Assagh, Bazzana, Bazzanella, Buccinasch, Gud Gambaree, Loiran, Roman Banch, Ròvid, Trezzan sul Navili e Terzagh, ma con la costituzion del Regn Lombard-Venet quij union chì hinn staa annullaa.

A l'unità d'Italia (1861) l'economia de Còrsich l'è anmò prevalentement agricola e zootecnica, con la nassida di primm aziend caseari. In del 1863 Còrsich (che l'a gh'aveva on teeritòri pussee grand de quell d'incoeu) la cuntava 1600 abitant, di quai domà 23 abitant podeven votà. Ai elezion amministrativ del 30 luj 1905 gh'hann diritt de vot 194 abitant per ses consilier amministrativ.

Ai inizzi del Noeufcent scomincen a vess dervii i primm industri (de la carta e de la vederceramica). Duranta la Prima Guerra Mondial, moeuren 90 abitant de Còrsich. Ai elezion del 1921 Còrsich la vota in maggioranza i comunista, menter i fascista ciappen domà el 20% di preferenz. I fascista dòpren anca a Còrsich la violenza e pòrten el terror e menter in di elezion del 1924 in Italia conquisten la maggioranza cont el 66,3% di vot, a Còrsich vegnen battuu con manch del 40%. El desenni dòpo el ved ona migrazion granda del Venet e de la Provincia de Bergom, tanto che al princippi de la Segonda Guerra Mondial la popolazion la riva i 8000 abitant. La guerra la gh'ha di effett terribil su la popolazion che la subiss, oltra a la miseria, anca i bomb di aeroplan di Leaa. Dòpo l'Armistizzi del 1943, a Còrsich el moviment de liberazion l'è giamò organizzaa in la 113^ Brigada Garbali.

Dòpo la guerra, Còrsich la ven amministrada longament di comunista e di socialista. In di ann del boom econòmich, la subiss l'immigrazion che la ven del sud de l'Italia, e la gh'ha on aument nodevol de la popolazion, tanto che in del 1981 la riva ad avègh quas 40000 abitant.

De vedè[Modifega | modifica 'l sorgent]

De vedè a gh'è i do ges de Peder e Paol e de Sant Antoni, oltra ai do cassinn Guardia, che guarnen on stemma vescontee e ona veggia gesetta del Navili.

Evoluzion demografega[Modifega | modifica 'l sorgent]

L'andament del numer di abitant del comun de Còrsich l'è mostraa in la tabella chi de sotta:



Abitant censid

Alter progett[Modifega | modifica 'l sorgent]

Vos correlaa[Modifega | modifica 'l sorgent]