Municipi 7 (Milan)
| Municipi 7 Municipi | |||||
|---|---|---|---|---|---|
| |||||
| Dats aministrativ | |||||
| Nom ofiçal | Municipio 7 | ||||
| Stat |  | ||||
| Rejon |  Lombardia | ||||
| Provinça |  | ||||
| Comun | Milan | ||||
| Politega | |||||
| Governador | Silvia Fossati (lista civega de center-sinistra) (2021) | ||||
| Territore | |||||
| Coordinade | 45°27′40.32″N 9°05′23.71″E / 45.4612°N 9.08992°E | ||||
| OSM | 3953572 | ||||
| Superfix | 31,34 km² | ||||
| Abitants | 171 796 ab. (2015) | ||||
| Densitaa | 5481,68 ab./km² | ||||
| Confin | Municipi 6, Municipi 8, Settim, Cusagh, Cesan Boscon, Per | ||||
| Fus orari | |||||
| Varie | |||||
| Codex ISTAT | |||||
| Codex catastal | |||||
| Festa | Terza domenega de ottober (de facto, Sagra de Bagg) | ||||
| Cl. climatega | |||||
| Cl. sismega | |||||
| Localizazion | |||||
 | |||||
 | |||||
| Sit istituzional | |||||
El Municipi 7 l'è vun di 9 Municipi de Milan. El gh'ha dent la zona de Bagg, Muggian, San Sir e Forz Armaa. La soa presidenta l'è la sciora Silvia Fossati, candidada civega de center-sinistra, elegiuda el 3 e 'l 4 de otover del 2021. El gh'ha 171'796 abitant e 'na superfiss de 31,34 km2 per 'na densità de popolazion de 5481,68 ab/km2.
Tradizion
[Modifega | modifica 'l sorgent]La tradizion pussee famosa del Municipi 7 l'è la Sagra de Bagg. Tradizion di baggitt da pussee de 200 agn, gh'è anca la tradizional corsa di asenej, tradizion del 1600 perduda e ripristinada in di agn 2000, e affidada ai scoeur de la zona.
Loeugh
[Modifega | modifica 'l sorgent].jpg)
In del territori del Municipi 7 gh'è on poo de ges: Per esempi la Gesa Veggia, che gh'era l'orghen legendari desegnaa che l'ha faa origin al dett lombard "andà a Bagg a sonà l'orghen". Alter ges de cità hinn la Gesa de San Gioann Bosch, la Gesa de Sant Anselmo e El Monastee, vegg Monastee incoeu sed del Municipi e di Ghisa.
A nivell turistich se pò parlà del Gardaland Waterpark, parch de divertiment marittim.
Anca el famos Stadi de San Sir l'è in del Municipi 7.
A gh'è anca la Cassina Lintern, che forsi 'l gh'è staa el Francesch Petrarca.
La zona l'è servida de du foppon: El Cimiteri de Bagg e quell de Muggian.
Verd
[Modifega | modifica 'l sorgent]El Municipi 7 l'è 'na zona assee verda: In del municipi a troeuvom el Parch de Trenn, el Parch di Cav, el Boscoincittà, el Parch de Bagg e 'l Parch Valsesia.
Straport
[Modifega | modifica 'l sorgent]
El Municipi 7 a l'è servii di autobus de l'ATM e de la metropolitana de Milan, lign ross (stazion da Bisceglie a Wagner) e lilla (stazion da San Sir Stadi a Segesta), e l'è possibil che ghe sien di alter espansion di 'sti lign in del municipi.
La red di tram de Milan la riva in la zona, a San Sir Stadi, cont el tram 16 che 'l ferma anca a Segesta.
Antigament la zona l'era pussee servida, di tram 18 e 32. Gh'è anca di binari de servizzi che riven al deposit de Bagg e hinn no doperaa del servizzi de ligna.
La zona la gh'ha nissuna stazion ferroviaria, che la sibia de la Red Ferroviaria Italiana o di Ferrovij Nord.
Politega
[Modifega | modifica 'l sorgent]In tra el 2016 e 'l 2021 el Municipi l'è staa governaa de 'na coalizion de center-destra in tra Forza Italia, Liga Nord, Fratelli d'Italia - Alleanza Nazionale e la lista civega del Stefano Parisi, guidada del Marco Bestetti.
Del 2021, el Municipi, compagn de tucc i alter municipi ambrosian, a l'è governaa de la coalizion de center-sinistra, guidada de la Silvia Fossati.
Stemma
[Modifega | modifica 'l sorgent]El stemma l'è staa inventaa in del 2002 per el Consili de Zona e poeu adattaa per el Municipi.
El Scud l'è spartii orizontalment: Sora ross e sotta bianch, ciappaa del stemma de la Porta Vercellina spagnoeula, ossia Porta Magenta. Al center a gh'è on capitell che l'è reppresentaa in la Cassina Lintern cont on monogramma misterios, reportaa in del stemma.
La blasonadura la podaria vess:
 |
«Scud spagoeul troncaa de ross e de argent, al capitell de la Cassina Lintern d'argent; el tut cimaa da una porta fortificada e ornaa con do ram di foeuie incrosade» |