Municipi 7 (Milan)

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Municipi 7
Frazion
Municipi 7 - Stema
Dats aministrativ
Nom ofiçal Municipio 7
Stat
Flag of Italy.svg
Italia
Rejon
Flag of Lombardy.svg
Lombardia
Provinça
Provincia di Milano-Stemma.png
Milan
Comun Milan
Politega
Governador Marco Bestetti (Forza Italia)
(2016)
Territore
Coordinade 45°27′40.32″N 9°05′23.71″E / 45.4612°N 9.08992°E45.4612; 9.08992
Superfix 31,34 km²
Abitants 171'796 ab.
(2015)
Densitaa 5'481,68 ab./km²
Confin Municipi 6, Municipi 8, Settim, Cusagh, Cesan Boscon, Per
Fus orari
Varie
Codex ISTAT
Codex catastal
Festa Terza domenega de ottober (de facto, Sagra de Bagg)
Cl. climatega
Cl. sismega
Localizazion
Municipi 7 - Localizazion
Municipi 7 - Mapa
 

El Municipi 7 l'è vun di 9 Municipi de Milan. El gh'ha dent la zona de Bagg, Muggian, San Sir e Forz Armaa. El sò president l'è el scior Marco Bestetti del partii Forza Italia, elegiuu el 5 de giugn del 2016. El gh'ha 171'796 abitant e 'na superfiss de 31,34 km2 per 'na densità de popolazion de 5481,68 ab/km2.

Tradizion[Modifega | mudìfica 'l sorgènt]

La tradizion pussee famosa del Municipi 7 l'è la Sagra de Bagg. Tradizion di baggitt da pussee de 200 agn, gh'è anca la tradizional corsa di asenej, tradizion del 1600 perduda e ripristinada in di agn 2000, e affidada ai scoeur de la zona.

Loeugh[Modifega | mudìfica 'l sorgènt]

La Gesa Veggia

In del territori del Municipi 7 gh'è on poo de ges: Per esempi la Gesa Veggia, che gh'è l'orghen desegnaa che l'ha faa origin al dett lombard "andà a Bagg a sonà l'orghen". Alter ges de cità hinn la Gesa de San Gioann Bosch, la Gesa de Sant'Anselm de Bagg e El Monastee, vegg Monastee incoeu sed del Municipi e de la polizia local.

A nivell turistich se pò parlà del Gardaland Waterpark, parch de divertiment marittim.

Anca el famos Stadi de San Sir l'è in del Municipi 7.

A gh'è anca la Cassina Lintern, che forsi 'l gh'è staa el Francesch Petrarca.

La zona l'è servida de du foppon: El Cimiteri de Bagg e quell de Muggian.

Verd[Modifega | mudìfica 'l sorgènt]

El Municipi 7 l'è 'na zona assee verda: In del municipi a troeuvom el Parch de Trenn, el Parch di Cav, el Boscoincittà, el Parch de Bagg e 'l Parch Valsesia.

Straport[Modifega | mudìfica 'l sorgènt]

Ligna 67, vuna di lign di autobus pussee important del municipi

El Municipi 7 a l'è servii di autobus de l'ATM e de la metropolitana de Milan, lign ross (stazion da Bisceglie a Wagner) e lilla (stazion da San Sir Stadi a Segesta), e l'è possibil che ghe sien di alter espansion di 'sti lign in del municipi.

La red di tram de Milan la riva in la zona, a San Sir Stadi, cont el tram 16 che 'l ferma anca a Segesta.

Antigament la zona l'era pussee servida, di tram 18 e 32. Gh'è anca di binari de servizzi che riven al deposit de Bagg e hinn no doperaa del servizzi de ligna.

La zona l'è no servida di treni, ne de la Trenord ne de la Trenitalia.

Politega[Modifega | mudìfica 'l sorgènt]

El Municipi l'è governaa de 'na coalizion de center-destra in tra Forza Italia, Liga Nord, Fratelli d'Italia - Alleanza Nazionale e la lista civega del Stefano Parisi.

La gionta, espression de 'sta coalizion chi, l'è fada de tri member: El President Marco Bestetti (FI) e i assessor Ernestina Ghilardi (LN) e Antonio Salinari (FI).

Stemma[Modifega | mudìfica 'l sorgènt]

El stemma l'è staa inventaa in del 2002 per el Consili de Zona e poeu adattaa per el Municipi.

El Scud l'è spartii orizontalment: Sora ross e sotta bianch, ciappaa del stemma de la Porta Vercellina spagnoeula, ossia Porta Magenta. Al center a gh'è on capitell che l'è reppresentaa in la Cassina Lintern cont on monogramma misterios, reportaa in del stemma.

La blasonadura la podaria vess:

Wikiquote-logo.svg
«Scud spagoeul troncaa de ross e de argent, al capitell de la Cassina Lintern d'argent; el tut cimaa da una porta fortificada e ornaa con do ram di foeuie incrosade»

Riferiment[Modifega | mudìfica 'l sorgènt]