Và al contegnud

Gesa de Sant Anselmo (Bagg)

De Wikipedia
Lumbard ucidental Quest articol chì l'è scrivuu in lombard, grafia milanesa.

La Gesa de Sant Anselmo (offizialment Gesa de Sant Anselmo de Bagg Vescov) a l'è 'na gesa de Milan, in del quarter de Bagg.

Storia[Modifega | modifica 'l sorgent]

A l'è stada fàda su, in territori nominalment de Quint, per servì el noeuv quarter popolar baggin in tra el Cimiteri e Quint e l'è elevada offizialment a paròquia el 12 de fevree 1970, cont territori ciappaa de la Paròquia de Sant Apollinar.

In principi a l'éra fàda di element prefabregaa, ciamaa di locài "el baraccon", in quell che incoeu a l'è 'n parchegg in d'ona traversa de la Via Quint, e la gh'eva nanca on oratori, tant che i lezion de dottrina eren faa in di stanz ficciaa, di scoeur arent o di alter istituzion.

In tra el 1984 e 'l 1986 a l'è fàda su 'me edifizzi complett in la Via Manaresi, e i lavorà finissen in del 1990, in su progett de l'Andrea Bolzani, del Valentino Benati e de l'Antonio Galli.

Del primm de sginee del 2023 l'è part de la noeuva Comunità Pastorala Sant Anselmo-Sant Apollinar.

Caratteristegh[Modifega | modifica 'l sorgent]

A l'è 'na gesa a pianta quadrada e soraelevada rispett a la stràda: ghe se riva donca cont ona scalinada. Dent a l'è 'n ambient unich e cont el ciment armaa in vista.

I pilàster a hinn separaa di vetraa del Fra Pierangelo Pagani menter i pittur a hinn del Pierantonio Verga.

La Gesa la gh'ha on circolin coltural e 'n oratori, dedicaa al San Filipp Neri.

Riferiment[Modifega | modifica 'l sorgent]

Ligamm de foeura[Modifega | modifica 'l sorgent]