Blasonadura

Quell articol qì l'è scrivud in Lombard, ortografia SL.

La blasonadura l'è la descrizion de un stema, con tœts i so elements. L'è normada da la scenza araldega.

Etimolojia

Ol termen blasonadura al prencepe l'era sinonem de araldega, e plœ tarde de stema o de arma. La so etimolojia l'è mìa sigura: per vergun al vegn dal tedesc blasen (sofiar), a indiciar l'at de l'araldo de sonar ol corno o la tromba per far començar ol torneo; per vergun d'olter dal fraces blason, sinonem de boucolier (scud); di olter anc'mò i dix qe al vegn da la radix blas o blat, comuna a tante lengue, da la qual i vegneress i termen per indiciar ol gridar di araldi e l'imprecar di cavalier per sfidar i so aversare.

Orden da seguir

• Camp del scud
  • Camp de smalt uniforme opor
  • Partizion opor
  • Ripartizion opor
  • Seminad

• Figura principala

• Figure segondare

• Bordura

• Sœl tœt

• Sœl tœt del tœt

Esempe

1	d'azœr
2	d'azœr, a la banda spinada d'arjent
3	d'azœr, a la banda spinada d'arjent dermada da do bande del stess
4	d'azœr, a la banda spinada d'arjent, dermada da do bande del stess tœte do cargade da una banda ristreita d'azœr
5	d'azœr, a la banda spinada d'arjent, dermada da do bande del stess tœte do cargade da una banda ristreita d'azœr, caricada da una rœsa de ross, pontejada de verd e botonada d'or
6	d'azœr, a la banda spinada d'arjent, dermada da do bande del stess tœte do cargade da una banda ristreita d'azœr, caricada da una rœsa de ross, pontejada de verd e botonada d'or metida intra do quadrads d'azœr anc lor

Riferiments

• (IT) Blasonatura indela Treccani