Polònia

De Wikipedia
(Rimandaa da Pulònia)
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
Rzeczpospolita Polska - Republega Polonesa
Bandera Polska Scüüt Polska
(Bandera) (Scüüt)
Lema nazziunaal:
Lucalizazziun Polska
Lenguv ufizial
Capitala Varsavia
Citaa püssee granda
Goveren Republega parlamentara
Andrzej Duda [1]
Süperfis
 - Tutala
 - Aqua(%)

312.679 km² (70°)
2,6 %
Abitant
 - Stimazziun 2014
 - Cens
 - Densitaa

38.483.957 (34°)

ab./km² (123)
Muneda Złoty ()
Füs urari
 - Estaa (DST)
(UTC+1)
(UTC)
Republega
Inu naziunal Mazurek Dąbrowskiego
Dumini internet .pl
Còdas telefònich +48
Gentilizzi polonès


La Polònia o Republega de Polònia (in polacch: Polska o Rzeczpospolita Polska) l'è ona republega che la se troeuva in de l'Europa centrala.

La capital de la Republega Polonesa l'è Varsavia (Warszawa) del 1596. La popolazion l'è de circa 38.484.000[2] de person.

A l'è tacada a la Slovachia, a la Republega Ceca, a l'Ucraina, a la Germania, a la Russia Bianca, la Lituania e a la Federazion Russa (exclave de Kaliningrad).

Del magg del 2004 a l'è on member de l'Union Europea.

Storia[Mudifega | mudìfica 'l sorgènt]

L'unificazion[Mudifega | mudìfica 'l sorgènt]

In de la Polònia viveven da temp populazion slav, ma se unissen domà lung el secol quell de 10. [3] El cap di tribu l'era el Mieszko I. [4]

In quej agn la se difund la religion cristiana, e i fan di persecuzion contra i pagan. [4]

Proppi in del ann 1000 la Gesa Polaca fa su la prima provincia. [5]

El regn Pulach e Lituan[Mudifega | mudìfica 'l sorgènt]

A metà del secol quell de 13, la Polònia la diventa on vassal de ona impurtanta fameja litoana, chela di Jagellon. Questa fameja la fa su on potent regn, e per la Polònia l'è on period de grand splindor. [3] [4]

Semper in quej agn, i Cavaliee Teutonegh recognossen la Polònia. I du paes eren staa in guerra per tant agn. [4]

La crisi[Mudifega | mudìfica 'l sorgènt]

Ma, in del secol quell de 15, la fameja la finìss. La Polònia la cad in man di putenz straniere, el so apparat social el vegn dominàa da la nobiltà, e vegneg perduu tant teritori. [3]
Tra l'alter, la monarchia la diventa a elezzion, e i nobil paghen minga i tass. [4]

La spartizion[Mudifega | mudìfica 'l sorgènt]

In del secol quell de 18, la Polònia la scompar dai cart e i so teritori diventer part di Austria, Prussia e Russia. [3]

El noeuv stat[Mudifega | mudìfica 'l sorgènt]

In del ann 1815 el Congress de Viena desìd de fa ona Polònia sota 'l controll del Imper de la Russia. [3]

A la fìn de la prima guera mondiala la Polònia la rinass 'me Stat indipendent sota la guida del General Jozef Pilsudzki, che 'l tira in pè on regim dittatorial. [3]

In di fatt, in Polònia, già dal ann 1830, i gh'eren di mot rivoluzionari.

L'invasion todesca[Mudifega | mudìfica 'l sorgènt]

Exquisite-kfind.png Per savenn pussee, varda l'articol Invasion todesca de la Polonia.
Bandiera todesca in Pulònia

El 1 de setember del 1939 la Germania nazista entra in Polònia. [6] L'è l'inizi de la seconda guerra mondial. La Francia e l'Inghiltera dichiaren guera ala Germania per difendé la Polònia. [7]

In cinch dì i soldat polach i eren giàmo ritiraa in su la Vistola. [7]

El sedes de setember Varsavia l'era giamò circonsada dai todesc. [7]

L'intervent del Stalin[Mudifega | mudìfica 'l sorgènt]

El dì dessett, l'Armada Rossa entra in Polònia. L'intervent l'era giamò deciduu cont el Hitler. El govern polach da ordìn de combàtt i todesc e scapà dai sovietigh. [7]

Dop quaj temp el govern 'l capìss che la guera l'è perduda e mett me priorità de mandà foeura da paes pussee soldat posibil per fai combàtt cont i aleaa. [7]

El 25 settember i todesch fan el atacch final a Varsavia, e in du dì i polach se renden.[7]

Molotov e Ribbentrop

El prim de utuber la marina polonesa la se rende. Quaj di prima el Molotov e el Ribbentrop cambien i territori assegnaa. [7]

A la fin de la guera la Pulònia hà perduu 6 milion de person, 2,5 i eren ebree. [8]

El comunism[Mudifega | mudìfica 'l sorgènt]

El comunism l'era present in Polònia prima de la fin de la guera. E han fa anca on massacher. [8]

Exquisite-kfind.png Per savenn pussee, varda l'articol Massacher de Katyń.

Despoeu la guera, la Pulònia va sota l'influenza dela Uniona Sovietiga del Stalin. [8]

La Cunferenza di Jalta approeuva on progett che divìd l'Europa in di zon di influenza, la Polonia la va sota l'URSS. [8]

I pulitegh del Hitler e i migrazion hann garantii a la Polònia on paès quasi tutt catolegh, i gh'eren minga minoranz etnegh. [8]

El Manifest

On govern controlàa dai sovietegh fa stampà on "Manifest" che el rispetta i idee sovietegh, minga quei di polonès. [8]

Per esempi, la venia scancelada la proprietà privada, veniven fa de tucc i industri e i spazzi. [8]

Lung i ahn 1950 el occident se renda cunt che el govern comunista l'era ona dittadura, vist anca che i sovietegh, inveci de collaborà cont i polach, voeur la puusee total obidienza e la vegn foeura ona guerra. [8]

El KGB tira in pè ona campagna de repression.

In del ann 1947 el Partito Comunista el vinc i consiltazzion, anca se i eren minga tropp liber. [8]

La Republega Popolar[Mudifega | mudìfica 'l sorgènt]

Sota la guida del Stalin, la Polònia istituìss ona nazion stalinista. [8]

I pulach, quaj tucc mult catolegh, hinn minga tropp felìs di atacch a la Gesa, ch'hinn quaj sistemategh.
In del ann 1950 el guvern prend tucc i ben de la Gesa, ma minga i Gess e i cimiteri.

Cun la costituziona del 1952 la nass offizialment la Polska Rzeczpospolita Ludowa, in lombard Republega Populara Polonesa.
Legalment, el sovran l'era el Popol, ma in pratega governava domà el Partit, minga democraticamen. [8]

Quand el nass el Patt de Varsavia , l'esercit polach l'era el segund puusee fort. [8]

Guverna el Gomulka[Mudifega | mudìfica 'l sorgènt]

Quand el moeur el Stalin, scomincia la Destalinizzazion, che la voeur eliminà i trasc del Stalin.

In del stess annn el president polach, el Bolesław Bierut, moeur in Russia.
El popul fa di manifestaziun contra el govern, e moeuren 53 persun in du dì. [8]

Vegn elegiuu me noeuv president el Gomulka. El noeuv president l'era contra el Stalin, che l'avea faa menà via. [9]

I sò riform vuleven tirà in pè on "Socialism nazional". I van minga tropp ben e, in del ann 1970, dop di rivolt a Danzica, el se dimett [9]

La fin del comunism[Mudifega | mudìfica 'l sorgènt]

On manifest de Solidarność

In del ann 1980 el govern, vist di rivolt, mett il diritt de scioperà. [3]

El Sindacaa di uperai del Port di Danzica, el Solidarność, el nass in del ann 1980 dop di protest, e vegn metuu foeura legg dal Regim. [10]

El general Jaruzelski, el cap di comunista, fa menà via el Lech Wałęsa, che l'era a cap del sindacà. El regim mett anca la Legg marzial [11]

Ma, cunt el jut de la Gesa catolega, continoa a operà clandestinament. [10]

In del ann 1988 el Rakowski vegn nominàa noeuv premier. El so govern fa di riform che aumenten i libertà, e scancelen tant idee del comunism. La scumincia la transiziuna tra 'l comunism e 'l capitalism. [12]

El Popul l'era minga tropp interesàa, ma el Sindacàt e el partìt voeuren fa ona "tavola rotonda" per vedè el fudur del paès. [12]

Anca se i puusee radicai di tucc e du i grupp vuleen minga el incunter, el se fa e venien organizàa di consultazzion liber. Quej consultazzion hinn vinciuu palesement dal Sindacàa. [12]

Exquisite-kfind.png Per savenn pussee, varda i articol Dottrina Sinatra e Fin del comunism in URSS.

Anca se el podè di comunista l'era minga finì, l'era drè a sgretolass, grazie anca a la noeuva idea del Gorbaciov, che la consentiva ai paes amis del URSS de abolì liberament el comunism.

Incoeu[Mudifega | mudìfica 'l sorgènt]

La Polònia firma i trataa europei

El passagg a la democrazia l'è stà assee calm e tranquili.

El president comunista fa minga problemi al govern, e quand el Walesa voeur consultazion presidenziali prima del termin, el se dimett senza fa problemi. [12]

I consultaziun venien vinciuu dal Lech Walesa, che 'l diventa president de la Polònia dal 1991 al 1995, anca se dop el so partit el perd on fracch de vot. [10]

Incoeu l'economia polaca l'è assee granda, e i sò cittadin viven ben, soratutt per vess staa in on paes comunista. [13]


Dal 2004 la Polònia l'è in de la NATO, e dal 2004 del Union Europea. [14]

Coltura[Mudifega | mudìfica 'l sorgènt]

Tradizzion[Mudifega | mudìfica 'l sorgènt]

In Pulònia, prima de entrà in ona cà, boeugna cavàss i scarp. Quasi semper el padron el gh'hà di sciavatt per i ospiti. [15]

La Polònia l'è on paes molt catolegh, e i fest me el Natal e la Pasqua hinn important. [16]

Inn polach[Mudifega | mudìfica 'l sorgènt]

Exquisite-kfind.png Per savenn pussee, varda l'articol Mazurek Dabrowskiego.


El inn de la Polònia l'è ona canzon scrita in Itàlia in onor de on general per chiedegh de tornà a ca, in de la Polònia dividuda.

Quest inn el cita l'Itàlia e quel talean cita la Polònia, l'è on cas unic al mund. [17]


Bandera Polaca[Mudifega | mudìfica 'l sorgènt]

Exquisite-kfind.png Per savenn pussee, varda l'articol Bandera de la Polonia.
Flag of Poland.jpg

La bandera de la Polònia l'è assee semplice, dò striss uguai, vuna rossa l'altra bianca. [18]

La nass a fin ann 1700 e lung el regim di Zar l'era illegal. [18]

Lung el comunism, per drovà la bandera i vureven i permess, e l'era quasi semper drovada 'me segn de protesta. [18]

Economia[Mudifega | mudìfica 'l sorgènt]

La moneda ofiziala a l'è el zloty.

Da quand l'è finìi el comunism, el PIL e i condizion de vida di cittadin hinn aumentàa de brut. [13]

Organizazion politiga[Mudifega | mudìfica 'l sorgènt]

La Polònia (nòmm offizial: Rzeczpospolita Polska) a l'è ona republega.
El president a l'è el Andrzej Duda (del 2015).[1]
El Prim Minister a l'è la Beata Szydło (del 2015).

Nòmm de la Polònia in di lingov di minoranz lengoistegh del paes[Mudifega | mudìfica 'l sorgènt]

  • Todesch (Deutsch): Polen, Republik Polen
  • Ucraines (Ukrajinska): Pol'šča, Respublika Pol'šča (Польща, Республіка Польща)
  • Lituan (Lietuvių): Lenkija, Lenkijos Republika
  • Bieloruss (Belaruskaja): Polšča, Respublika Polšča (Полшча, Рэспубліка Полшча)
  • Casciub (Kaszëbski): Pòlskô, Pòlskô Repùblika

Parlament[Mudifega | mudìfica 'l sorgènt]

El parlament el se ciama Zgromadzenie Narodowe, in lombard Assemblea nazional. L'è dividuu in del Senat e in de la Camera dei deputat (Sejm). I president dei du rami de la Zgromadzenie Narodowe se ciàmen maresciài. Lung el comunism gh'era domà el Sejm.

El president de la Republega polacca l'è elegiuu direttament di cittadin ogni 5 agn.
El sò supplent l'è el Maresciall del Sejm.

Cità in Polònia[Mudifega | mudìfica 'l sorgènt]

Riferiment[Mudifega | mudìfica 'l sorgènt]

  1. 1,0 1,1 http://www.askanews.it/nuova-europa/polonia-il-conservatore-andrzej-duda-ha-giurato-da-presidente_711578302.htm
  2. Główny Urząd Statystyczny. Baza Demografia. Ludność Polski. Stan na 30.06.2014. [1].
  3. 3,0 3,1 3,2 3,3 3,4 3,5 3,6 (IT) http://www.treccani.it/enciclopedia/storia-della-polonia_(Enciclopedia-dei-ragazzi)/
  4. 4,0 4,1 4,2 4,3 4,4 (IT) http://www.polonia.name/storia-della-polonia-dal-1000-alla-fine-del-1500.html
  5. (IT) http://lcalighieri.racine.ra.it/rivolcopOLD/copernico/contesto%20polacco.htm
  6. http://anpi-lissone.over-blog.com/article-34887474.html
  7. 7,0 7,1 7,2 7,3 7,4 7,5 7,6 http://secondoconflitto.altervista.org/campagna_polonia.html
  8. 8,00 8,01 8,02 8,03 8,04 8,05 8,06 8,07 8,08 8,09 8,10 8,11 8,12 (IT)http://digilander.libero.it/kbogucki/La%20Polonia%20del%20dopoguerra.htm
  9. 9,0 9,1 http://www.treccani.it/enciclopedia/wladislaw-gomulka/
  10. 10,0 10,1 10,2 www​.treccani.it/enciclopedia/solidarnosc
  11. http://www.pbmstoria.it/dizionari/storia_mod/s/s125.htm
  12. 12,0 12,1 12,2 12,3 http://storicamente.org/polonia_1989
  13. 13,0 13,1 http://www.limesonline.com/come-la-polonia-e-diventata-ricca/57070
  14. http://www.liceoberchet.gov.it/ricerche/geo5d_06/csi/polonia.htm
  15. (IT) http://www.italia-polonia.eu/it/tradizioni/186-gesti-e-usanze-in-polonia.html
  16. http://www.polonia-turismo.it/curiosita.html
  17. (IT) https://quipoloniaeitalia.wordpress.com/2012/10/22/gli-inni-nazionali-italiano-e-polacco/
  18. 18,0 18,1 18,2 (IT) http://www.staypoland.com/simboli_nazionali.html

Ligamm de foeura[Mudifega | mudìfica 'l sorgènt]

Commons-logo.svg
Wikimedia Commons
al gh'a dent roba culegada a:


 
I stat de l'Europa
LocationEurope.png
Albania | Andora | Armenia2 | Austria | Azerbaigian1 | Belgi | Bielurüssia | Bosnia e Erzegovina | Bülgaria | Cechia | Cipru2 | Cità del Vatican | Cruazia | Danimarca | Estonia | Finlandia | Frància | Georgja1 | Germania | Grecia | Irlanda | Islànda | Itàlia | Kazakhstan1 | Letònia | Liechtenstein | Lituània | Lüssemburg | Macedonia | Malta | Muldavia | Monaco | Muntenegru | Nurvegja | Paes Bass | Pulònia | Portugàl | Reegn ünii | Rumanìa | Rüssia1 | San Marin | Serbia | Sluvachia | Sluvenia | Spagna | Svezzia | Svízzera | Türchìa1 | Ucraina | Ungarìa |
1. Statt parzialmeent a l'Asia. 2. Statt geugràficameent a l'Asia, però suveent cunsideraa cuma part d'Europa per resunn stòrich e cülturaj.