Szczerbiec

De Wikipedia
Jump to navigation Jump to search
Quell articol qì l'è scrivud in Lombard, ortografia SL.
Documentazion pitorega de la Szczerbiec ind el 1764.

La Szczerbiec (prononça polaca: [ˈʂt͡ʂɛr.bʲɛt͡s])[1] l'è la spada cerimoniala dovrada ind le incoronazion de la plœ part dei Re Polac dal 1340 al 1764. L'è conservada e esponida ind el Castell del Wavel a Cracovia come l'uneg restait di joiei de la Corona Polaca Medievala.[2]

Etimolojia[Modifega | mudìfica 'l sorgènt]

Boleslav I con la Szczerbiec (sqeiada).

Ol so nom al vegn dal polac szczerba (sqeia, bux, capeta).[3] In lombard s'pœl render-l come Spada Sqeiada. Segond la lejenda ol re polac Boleslav I ol Corajos l'havress sqeiada ind el botar jo la Porta d'Or de Kiev ind el 1018 (la porta però l'è staita fabregada adoma ind el 1037). In realtaa, ol nom de la spada al vegn de l'intai ind la lama, qe l'è probabel qe al sies stait cread per portar dei reliquie, come l'era comun ind el Medioev.

Storia[Modifega | mudìfica 'l sorgènt]

La Szczerbiec l'è staita fabricada ind la prima metaa del XIII secol, forse in Renania. Al prencepe l'era proprietaa del princep Boleslav (forse Boleslav I de Masovia o Boleslav ol Devot) come l'indicava l'iscrizion (qe la g'è plœ) so l'impognadura. L'è probabel qe al temp la fœss dovrada come simbol del poder judiaziare (gladius iustitiae).[2]

La Szczerbiec al dé de incœ.

Ind el 1320 l'è staita dovrada de Ladislav I de Polonia come spada de incoronazion ind la Catedral del Wavel. Despò l'è staita tegnida ind el Castell del Wavel insema a i olter joiei de la corona polaca, e l'è staita dovrada ind le incoronazion de la plœ part di Re Polac fina al 1764.[2]
Ind el 1795 ol castell l'è saqejad dei prussian, e la spada la passa de man plœ volte ind el XIX secol, fina al so aquest da part de l'Hermitage de San Pedersborg ind el 1884.[2] L'Union Sovietega la redà a la Polonia ind el 1928. Ind la Segonda Guerra Mondial, la Szczerbiec l'è portada al segur in Canada, e la torna al Wavel adoma ind el 1959.

Descrizion[Modifega | mudìfica 'l sorgènt]

I misure de la spada

La spada l'è caraterizada da un'elsa d'argent, quarciada jo con di piastre d'or, qe i è decorade con di formule majege, 118 simboi cristian e di motiv floreai. Prope sota la guardia g'è una streita crena ind la lama, con tacad un picol scud d'argent col stema dei Piast. Qesto l'è probabel qe al sies l'œltem rest del fœder, cread ind el 1340 e perdid intra ol 1819 e ol 1874. La lama l'è de tipo Oakeshott XII. I misure principale i è:

  • Longeza totala: 98,4 cm
  • Longeza lama: 82 cm
  • Largeza massema lama: 5 cm
Decorazion e inscrizion de l'elsa[4]
Dreit Banda streita Rovers Banda streita
Pomell
inscrizion on the obverse of the pommel of Szczerbiec
Circol ind el mez: Letera T stilizada (o T sora una C) intra i letere alfa e omega con sora di crox, e sota tœt una crox dent una rœsa con 12 foie
Motiv romboidal
inscrizion on the reverse of the pommel of Szczerbiec
Circol ind el mez: Boscal de vida
Motiv romboidal
Anell estern smœssad: inscrizion:
+ REC. FIGVRA. TALET. AD AMOREM. REGVM. ET. PRINCIPVM. IRAS IUDICV. M
Anell estern smœssad: Foie de vida
Impognadura
Ornamentation on the obverse of the grip of Szczerbiec
Sora: Lion alad de San Marc, inscrizion:
MARCVS
inscrizion:
LIST E. EST. GLAUD… h.BOLEZLAI ‘DVC…
(perdid e sostituid con un motiv romboidal)
Ornamentation on the reverse of the grip of Szczerbiec
Sora: Agola de San Joann, inscrizion:
IhOANNES
inscrizion:
CVM. QVO. EI DNS. OS. AVXIL ETVR. ADUS. PARTES. AMEN
(perdid e sostituid con un spessor de cera)
Mez: Bœv alad de San Luca, inscrizion:
LVCAS
Mez: Anjel de San Matteo, inscrizion:
MMThCVS
Sota: Lamb of God Sota: Lamb of God
Guardia Winged lion of Saint Mark Estremitaa sinistra: Lion alad de San Marc Motiv triangolar Angel of Saint Matthew Estremitaa sinistra: Anjol de San Matee Motiv triangolar
inscrizion on the reverse of the crossguard of Szczerbiec
Mez: inscrizion:
QVICVMQVE hEC + NOMI[N]A DEII SECVM TVLERI[T] NVLLVM PERICVL[VM] CN EI OMNINO NOC[E]BIT
inscrizion on the obverse of the crossguard of Szczerbiec
Mez: inscrizion:
CON. CITOMON.. EEVE SEDALAI. EBREbEL
Sota una decorazion de foie de vida
Winged ox of Saint Luke Estremitaa dreita:
Bœv alad de San Luca
Eagle of Saint John Estremitaa dreita: Agola de San Joann

Bibliografia[Modifega | mudìfica 'l sorgènt]

Riferiments[Modifega | mudìfica 'l sorgènt]

  1. IPA per ol polac
  2. 2,0 2,1 2,2 2,3 Ol sit del Castell del Wavel (en)
  3. pl.wiktionary.org/wiki/szczerba
  4. Biborski, Marcin; Stępiński, Janusz; Żabiński, Grzegorz (2011), "Szczerbiec (the Jagged Sword) – the Coronation Sword of the Kings of Poland", Gladius, Madrid Departamento de Publicaciones del CSIC (XXXI): 93–148, doi:10.3989/gladius.2011.0006, ISSN 0436-029X

Olter projets[Modifega | mudìfica 'l sorgènt]