Tradizion de cavass i scarp in del mond

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
On genkan giappones, indoa se caven i scarp

In di coltur, gh'è la tradizion de cavass i scarp prima de entrà in ona cà, in on tempi o anca in di olter canton publegh.

Europa[Mudifega | mudìfica 'l sorgènt]

Nazion de lengua neolatina[Mudifega | mudìfica 'l sorgènt]

In Francia, Portogall, Italia e Spagna l'è normal per on ospit tenè i scarp. Generalment, l'è anca ver in di zon francofen del Belgi.

Nazion de lengua germanega[Mudifega | mudìfica 'l sorgènt]

In Inghiltera, Germania e in di zon germanofen del Belgi l'è difonduda questa tradizion, ma gh'hinn di variant a nivell local e anca personal, e pò cambià anca in bas al temp atmosferegh o al nivell de amicizia.

In Austria, inveci, questa tradizion la gh'ha di radis bej fort, anca i imperador el faseven.

Est Europa[Mudifega | mudìfica 'l sorgènt]

In di nazion slav ('me la Russia, la Polònia e.i.v) l'è difonduda la tradizion, anca se gh'hinn di variazion da paes a paes.

Anca in Romania, che l'è minga on paes slav, gh'è questa tradizion.

Scandinavia[Mudifega | mudìfica 'l sorgènt]

Anca in di paes scandinav gh'è questa tradizion. In Finlandia anca i fioeui a scoeura 'l fann.

Asia[Mudifega | mudìfica 'l sorgènt]

Giappon[Mudifega | mudìfica 'l sorgènt]

Probabilment, grazie anca a la diffusion di manga e anime, el Giappon l'è el paes indoa quessa tradizion l'è pussee cognosuda.

Tra l'alter, in Giappon, se caven i scarp anca in on quaj ristorant e in di scoeur (indoa se metten i Uwabaki, di papòss particolar.).

Corea[Mudifega | mudìfica 'l sorgènt]

In Corea l'è maleducazion entrà in ona cà cont i scarp, ma (soratutt per i vegg) anca restà a pè biott. Despess i corean gh'han di sciavatt o di paposs per i ospit.

Riferiment[Mudifega | mudìfica 'l sorgènt]