Lign celer de l'Adda

De Wikipedia
Lumbard ucidental Quest articol chì l'è scrivuu in lombard, grafia milanesa.
I stazion faa

I lign celer de l'Adda hinn staa on progett de dò lign ferroviari che avarien collegaa Milan a Berghem e Vimercaa e sostituii i tramvij interurban Milan-Vaver e Milan-Vimercaa.

Del progett a l'è stada fada su domà la tratta da Milan a Gorgonzoeula originariament gestida cont i tram, a l'è stada poeu integrada in la linia 2 de la Metropolitana de Milan, anca se in regim provvisori s'hinn doperaa i treni de la M1.

L'era ispirada al premetrò de Bruxelles, ossia on servizzi suburban servii cont di mezz tranviari, ma l'era prevista la ferroviarizzazion a la fin de l'oeuvra, mai finida.

I treni[Modifega | modifica 'l sorgent]

Metro e Tram insemma a sud de Crescenzagh

I lign droeuvaven di treni bloccaa faa cont i tocch di tram di agn '40 e '50, precisament 22 motriss e 44 convoeuj. Ogni treno el gh'eva 340 post per setàss e l'era coloraa de gialdin avori in la zona di finestrin e de giald fort in del rest de la vettura.

Dodes treni i eren di ATM 500 e des di ATM 800. In di period de volta affluenza i treni podeven vess unii e fà di treni de pussee de 1000 post.

Cont la metropolitanizzazion del servizzi i treni hinn staa doperaa in di tranvij Milan-Vimercaa e Gorgonzoeula-Vapri.

Bibliografia[Modifega | modifica 'l sorgent]

  • Azienda Tranviaria Municipale - Milano, Le ferrovie dell'Adda
  • Renzo Marini, Le ferrovie dell'Adda, in "Ingegneria Ferroviaria" aprile 1968, pp. 345–348
  • Elio Ceron, Sergio Farné, La progettazione e la costruzione delle Linee Celeri dell'Adda, in "Ingegneria Ferroviaria" novembre 1995, pp. 1001–1022
  • Giovanni Cornolò, Fuori porta in tram, Albertelli, Parma, 1980.

Vos corelaa[Modifega | modifica 'l sorgent]