Tranvia Milan-Gorgonzoeula-Vaver

De Wikipedia
(Rimandad de Tranvia Milan-Vaver)
Lumbard ucidental Quest articol chì l'è scrivuu in lombard, grafia milanesa.
Mappa de la tranvia

La tranvia Milan-Gorgonzoeula-Vaver a l'è stada 'na linia de la red extraurbana di tram milanes, la prima con la trazion a vapor, e in pee del 1878 al 1978 e che la conligava Milan a Vaver. Generalment a binari unich, l'era a scartament standard tranviari de 1445 mm.

I sò binari a hinn staa poeu doperaa per i lign celer de l'Adda che hinn staa poeu in part integraa in del 1972 in la linia verda de la metropolitana milanesa. La linia, voramai de Gorgonzoeula a Vaver, l'è restada in pee finna al 1978 quand che l'è stada sostituida de 'n servizzi automobilistegh.

Derivazion[Modifega | modifica 'l sorgent]

La gh'eva domà 'na derivazion per Trevij e Carevasg: la tranvia Fornas-Trevij-Carevasg. Anca la tranvia Milan-Vimercaa la condivideva, però, per on poo i sò binari.

Mezz doperaa[Modifega | modifica 'l sorgent]

Di tram al capolinia de Piazza Aspromonte

Hinn staa doperaa per la linia in principi i classegh gamba de legn a vapor menter con l'elettrificazion han taccaa a doperà i Tram TIP A.1-A.4. In di agn '50 la ATM l'ha faa fà su dodes unità bitension 501-512. In del period de convivenza cont i lign celer de l'Adda se podeven vedè anca i treni bloccaa de l'ATM compagn del 500 e del 800. Hinn staa doperaa anca i Tram STEL 85-92.

Bibliografia[Modifega | modifica 'l sorgent]

  • Giovanni Cornolò, Fuori porta in tram. Le Tranvie extraurbane milanesi 1876-1980, Parma, Ermanno Albertelli Editore, 1980. (ISBN miga dispunìbil)
  • Paolo Zanin, Monza e i suoi tram. Storia dei collegamenti tranviari da Monza a Milano e alla Brianza, 2a ed., Firenze, Phasar Edizioni, 2009.

Vos corelaa[Modifega | modifica 'l sorgent]