Cobiàt

De Wikipedia
Va a: navegá, truvá



Chest artícol a l'è scricc in Bresà, ortograféa Modèrna Lombard oriental


Cobiàt
Collebeato-Stemma.png
Centro collebeato2.JPG
Map of region of Lombardy, Italy - grey.svg
Stàto Itàlia
Regiù Lumbardía
Pruvincia Brèsa
Cuurdinàde 10°12′40″ E
45°34′56″ N
Vedè sü la mapa
Abitàncc 4 622 ab.
Superfìce 5,4 km²
Densità 856 ab/km²
Altèsa 192 m s.l.m.
Frasiù
Campià, Campianèi, Éla de Sùra, Éla de Sóta.
Cümü tacàcc Brèsa, Salàdega, Consés
CAP IT-25060
Còdes ISTAT 017057
Prefìs tel. 030
Sit uficiàl del cümü

Cobiàt (prununciàt [koˈbjat] endèl dialèt del pòst. En Italià: Collebeato) l'è 'n cümü de 4 622 abitàncc (dàto del Dic 2015 [1]) de la Pruvìncia de Brèsa. El se tróa apéna föra del teretóre del cümü de Brèsa en diresiù nordòvest. Del pónt de vìsta geogràfic el se tróa giöst giöst a la 'mbocadüra de la Val Trompia sö la spónda dèstra dèla Mèla.

A Cobiàt gh'è ambientàt "La masséra da bé" de Galeàs dei Urs, la piö antìca òpera scriìda 'n dialèt bresà.

El nòm[Mudifega | mudìfica 'l sorgènt]

El nòm Cobiàt el par vègner del latì copulatum (= emperàt, acopiàt) ma 'l sarès mìa come se pensàa per vìa de la diviziù del paés en dò frasiù principài (chèla de Vìla de Sùra e chèla de Vìla de Sóta) ma piötòst de 'na quistiù de tàse. Somearès enfàti che la popolasiù la gh'ìes de pagà dò tàse: al monastér de San Salvadùr de (che zà 'ndel 1014 l'ìa padrù de la part bàsa del teretóre) e a chèl de San Faüstì de Brèsa (che l'ìa padrù dei teré de la part àlta del paés).

Endèi docümèncc el paés el vé lüminàt prìma col nòm de "Copulatum" e pò dòpo 'ndèi sècoi che gh'è nit dòpo col nòm de Cubiatto e Cubiate 'ndèl 1014, Cubiate 'ndèl 1019, Cubiado 'ndel 1186 e 1194, Cobiado 'ndel 1237, Cobiato 'ndel 1350, Cobeatum 'ndel 1505 sö dele màpe, Coblat e per la prìma ólta Colle Beato 'ndèla segónda metà del Sich-sènt, Cobìad endèl 1574, Couiat endèl 1580 sö le màpe vaticàne, Cobiàt endèl 1610. El nòm Collebeato, töt tacàt come che l'è adès el sò nòm uficiàl el compàr per la prìma ólta 'ndèl 1653 sö dele càrte ecleziàstiche e pò amò 'ndèl 1701 sö màpe dei fransés. Endèl 1779 l'è lüminàt amò come Cobiato sö dele càrte lombàrde ma pò a come Collebeato sö cartìne del Lombardo-Veneto e de alùra 'n aànti sö le càrte de Napuliù, Austrìache e del Regn d'Italia sèmper col sò nòm uficiàl che amò al dé d'encö l'è Collebeato[2].

Evulusiù demogràfica[Mudifega | mudìfica 'l sorgènt]



Abitàncc censìcc

Riferimèncc[Mudifega | mudìfica 'l sorgènt]

  1. Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.
  2. http://www.collebeato.org/html/cenni%20storici%20Collebeato.html