Polàen

De Wikipedia
Va a: navegá, truvá



Chest artícol a l'è scricc in Lumbàrt Orientàl, ortograféa unificàda Lombard oriental
Polàen
Polaveno-Stemma.png
Polàen - céza.jpg
Map of region of Lombardy, Italy - grey.svg
Stàto Itàlia
Regiù Lumbardía
Pruvincia Brèsa
Cuurdinàde 10°07′30″ E
45°39′45″ N
Vedè sü la mapa
Abitàncc 2 555 ab.
Superfìce 9,2 km²
Densità 278 ab/km²
Altèsa 568 m s.l.m.
Frasiù
Polàen, San Gioàn, Doadèl e Gómbio.
Cümü tacàcc Breó, Gardù, Izé, Montezèi, Óme, Sàle, Sarès, Sülsà.
CAP IT-25060
Còdes ISTAT 017144
Prefìs tel. 030
Sit uficiàl del cümü

Polàen, (prununciàt [poˈlaɛn]; en Italià: Polàveno) l'è 'n cümü de 2 555 abitàncc (dàto del Dic 2015 [1]) de la pruvìncia de Brèsa, colocàt endèla zòna del pas che coléga la Val Trompia al Lach d'Izé. Chèsta stràda (pruvinciàl SP48) l'è amò 'ncö la piö 'mportante vìa de comünicasiù 'ntra la media àl e la zòna del lach.

El teretóre del cümü el ciàpa dét pò a le frasiù principài de San Gioàn e Gómbio. Polàen e San Gioàn (isé cóme Breó) i se tróa sö l'altipià che 'l sovràsta la basa Val Trompia, la part bàsa del lach e la Franciacürta; Gómbio 'nvéce 'l se tróa en prensépe a la Al Gombéra, lateràl de la Val Trompia (dèstra orogràfica), póch de lóns de Put de Zanà, che l'è 'na frasiù de Sarès.

Stória[Mudifega | mudìfica 'l sorgènt]

Per vìa de la sò puzisiù 'ntramès a divèrsi teretóre, pò a del pónt de vìsta istitusiunàl l'è stat de 'na ólta con l'ótra asegnàt a giürisdisiù diferènte: entùren al sècol XI l'apartignìa ai teretóre dei frà cluniacènsi e 'ndèl èstimo Viscontèo del 1385 el rezülta 'nserìt endèla quàdra de Gösàch. Endèl sècol XV, quan che 'l gh'ìa 'na popolasiù de 450 àneme, l'è stat asegnàt del Pandolfo Malatesta, che 'l comandàa a Brèsa, come fèudo a la famìa Avogadro de Zanà. L'è sóta la giürisdisiù de chèsta famìa che par che sàpe stat fat sö 'l castèl che g'ha lasàt tràse 'ndèl nòm de la contràda che amò 'ncö l'è 'l cèntro aministratìf del paés.

Endèl sècol XVII el fàa part amò de la Quàdra de Gösàch e l'ìa custitüìt, a stà a chèl che 'l scriìa el Da Lezze, de 'na popolasiù de 1000 abitàncc dei quài 220 i éra àbii a laurà e i éra regrüpàcc en 100 föch. Le atività principàle i éra la prudusiù del carbù, l'aleamènt, la prudusiù de castègne e 'n agricültüra che dàa póch fröt. Endèla "Descrisiù Generàla" del 1764 se lès che la popolasiù l'ìa calàda a 811 àneme.

Sóta l'aministrasiù de Napuliù Polàen l'è pasàt a fà part de la Val Trompia. Endèl gir de poch agn el vé a fà part del Cantù de la Mèla (1797) al distrèt de le Armi. A pàrter del 13 de màgio del 1801 el vé 'nserìt endèl Distrèt I de Brèsa e pò, sèmper endèl Distrèt de Brèsa, endèl cantù V de Gardù (1805). Del 1810 al 1816 l'è stat ünìt al cümü de Óme e dòpo l'è stat enserìt endèl distrèt VII de Öspedalèt e sübet dòpo (endèl 1817) endèl Distrèt VI de Gardù. Endèl 1861, a l'epoca de la custitüsiù del Regn d'Itàlia, Polàen el gh'ìa 926 abitàncc.

Evulusiù demogràfica[Mudifega | mudìfica 'l sorgènt]

Abitàncc censìcc



Riferimèncc[Mudifega | mudìfica 'l sorgènt]

  1. Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.


Oter progècc[Mudifega | mudìfica 'l sorgènt]

Commons-logo.svg
Wikimedia Commons
al gh'a dent roba culegada a: