Erölaècia
| Erölaècia | |
|---|---|
 | |
 | |
| Stàto | Itàlia |
| Regiù | Lumbardía |
| Pruvincia | Brèsa |
| Cuurdinàde | 10°03′30″ E 45°19′41″ N Vedè sü la mapa |
| Abitàncc | 3 842 ab. |
| Superfìce | 21,0 km² |
| Densità | 183 ab/km² |
| Altèsa | 68 m s.l.m. |
| Montezèi, Scorsaröl e Vilanöa | |
| Cümü tacàcc | Bórc San Giàcom, Cort dei Cortés (CR), Erölanöa, Puntìc, Quinsà e Robèc (CR) |
| CAP | IT-25029 |
| Còdes ISTAT | 017196 |
| Prefìs tel. | 030 |
|
| |
Erölaècia ciamàda apò apéna Eröla o Öröla, (en Italià: Verolavecchia), l'è 'n cümü de 3 842 abitàncc (dàto del Dicember 2015[1]) de la Pruvìncia de Brèsa sitüàt endèla Bàsa Bresàna ai cunfì de la pruvìncia, tacàt a la pruvìncia de Cremùna. El se tróa a 26 km a Sudòvest de la cità de Brèsa e 22 km a nòrt de la cità de Cremùna.
El teretóre de Erölaècia 'l fàa part del pagus farraticanus e se pènsa che l'ìes giü dei fóncc che gh'è nit sö co la colonizasiù romàna. Endèl alt medioévo la fàa riferimènt a la piéf de Quinsà, ma dòpo l'è pasàda sóta 'l contròl de la Abasìa de Lé, compàgn de 'n pó töcc i paés entùren. Zamò 'ndèi docümèncc del 1194 se pàrla d'en flumen Virolae (riferìt al Strù) e 'ndèl 1196 se lümìna 'na Verola Vetula. Del bórc medievàl de Verola Vetula gh'è restàt la 'mpostasiù ürbanìstica squadràda 'ndèla zòna del Montecucco a sud de la seriöla dei Mülì. A nòrt de chèsta, 'nvéce, gh'ìa 'l castèl, del qual al dé d'encö gh'è restàt apéna la tór gòtica e 'n quac rèst dei mür.
Del cümü de Erölaècia fa pàrt apò a le frasiù de Vilanöa, Scorsaröl e Montezèi, töte trè de urìgin antìca. A Vilanöa, 'ndèl 1864, gh'è stat troàt i rèscc de 'na necròpoli romàna. I repèrcc de chèsto sit i è conservàcc endèl Muzèo Romàno de Brèsa. Montezèi 'nvéce 'l vé sö söndèn dosèl söla spónda mansìna del Òi e l'è lüminàt per la prìma ólta 'ndèn docümènt del 1022.
Evulusiù demogràfica[Modifega | mudìfica 'l sorgènt]
L'andamènt del nömer de abitàncc de Erölaècia l'è ilüstràt endèla tabèla reprezentàda ché sóta:
Abitàncc censìcc
Riferimèncc[Modifega | mudìfica 'l sorgènt]
- ↑ Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.
