Galeàs dei Urs

De Wikipedia
Jump to navigation Jump to search
Chest artícol a l'è scricc in Bresà, ortograféa Modèrna Lombard oriental


Galeàs dei Urs (in Italià: Galeazzo dagli Orzi) l'è l'autùr de giü dei prim cumpunimèncc en Bresà.


Biografìa[<small>Mudifega</small> | mudìfica 'l sorgènt]

L'éra nasìt ai Urs Vècc endèl 1492, e 'l gh'ìa lauràt a Brèsa come consigliér del nòbil Mariotto Martinengo de la Palàda. Se sa mìa de precìs en che an che l'è mórt.

Òpere[<small>Mudifega</small> | mudìfica 'l sorgènt]

El Galeàs dei Urs l'è l'autùr de La Massera da bé, che l'è giü dei piö antìc cumpunimèncc en dialèt Bresà che gh'è riàt enfìna a nóter,

Se tràta de 'na fròtola, 'na sórt de òpera teatràl, troàda 'ndel 1512 endèla vìla del cónte Martinengo de la Palàda. L'òpera l'è ambientàda endèla contràda de Coblàt (al dé 'ncö Cobiàt) e la pàrla de 'na maséra de nòm Flor che la sérca de cunvìncer la sò padrùna a töla dét a laurà de lé.

El prensépe de l'òpera l'è isé:

Brigada, za za tug,
famèi, maseri e pug,
corrì, corrì, corriét,
corrì za prestamét,
che voi dì una canzò.


che 'ndèl Bresà del dé d'encö la pödarès sunà isé:

Brigàda, sà sà töcc,
faméi, masér e pöcc,
curì, curì, de córsa,
curì sà al piö prèst,
che voi dì 'na cansù.


La Masséra l'è pièna de elencasiù de operasiù tìpiche dei mestér che 'na maséra la gh'éra de fà 'ndèla zurnàda e de descrisiù precìze e insistìde de ricète gastronòmiche, ma gh'è apò 'na quat denùncia de le cundisiù de vìta dei contadì de chèla época là.

Riferimèncc bibliogràfic[<small>Mudifega</small> | mudìfica 'l sorgènt]

Regione Lombardìa - Antologia della poesia nelle lingue e nei dialetti lombardi