Böegn

De Wikipedia
Jump to navigation Jump to search
Chest artícol a l'è scricc in Bresà, ortograféa Modèrna Lombard oriental
Böegn
Bovegno-Stemma.png
Map of region of Lombardy, Italy - grey.svg
Stàto Itàlia
Regiù Lumbardía
Pruvincia Brèsa
Cuurdinàde 10°16′30″ E
45°47′39″ N
Vedè sü la mapa
Abitàncc 2 226 ab.
Superfìce 47,5 km²
Densità 47 ab/km²
Altèsa 684 m s.l.m.
Cümü tacàcc Artògne, Bèrs, Bièn, Còi, Ézen, Giànech, Ìrma, Marmintì, Pezàze
CAP IT-25065
Còdes ISTAT 017024
Prefìs tel. 030
Sit uficiàl del cümü


Böegn, (en Italià: Bòvegno) l'è 'n cümü de 2 226 abitàncc (dàto del Dic 2015 [1]) de la pruvìncia de Brèsa.

El se tróa 'n àlta Val Trompia, a la 'mbocadüra de 'na quach val lateràl, 'ntra le quàle la Àl de Gradezèle, che l'è chèla piö grànda, la Àl Sùrda e la Àl de la Mèola. El cunfìna coi cümü altrümplì de Còi, Ìrma, Marmintì e Pezàze e con chèi de la Àl Camònega de Artògne, Bèrs, Bièn, Ézen e Giànech.

Del sò teretóre fà part divèrse frasiù sparnegàde: Castèl, Gradezèle, Ledés, Magn, Pià, Predónt, Zìgole, Fùren, Sainù de sùra e Sainù de sóta. El Municìpio l'è sitüàt endèla frasiù de Castèl, endèla piasèta (Piazza Zanardelli) endóche gh'è apò la céza parochiàla dedicàda a San Giorgio e la Tór Medievàl (datàda 'ntùren al i sècoi XII-XIII).

La murfulugìa del sò teretóre l'è caraterizàda de 'n altimetrìa bastànsa variàda: del sò teretóre fa part vergü dei mucc piö alcc de la Val Trompia, compagn del Cristùs (sö le càrte: "Monte Crestoso") che 'l rìa a 2215 méter s.l.d.m. e 'l Möfèt (sö le càrte: "Monte Muffetto") che 'l rìa a 2060 m. s.l.d.m.

Del 1927 'nfìna al 1955 al cümü de Böegn gh'ìa stat agregàt apò a chèl de Ìrma.

Endèl 1963 al cümü de Böegn gh'è stat agregàt la frasiù de Sainù de sùra che fàa part del cümü de Pezàze.

Antìca piéf[<small>Mudifega</small> | mudìfica 'l sorgènt]

Böegn l'ìa séde de giöna de le quàter piéf antìche de la Val Trompia (le ótre i éra Inzì, Lemezàne e Consés). De chèste, chèla de Böegn l'ìa chèla che aministràa el teretóre piö grant: la ciapàa dét i teretóre de chèi che al dé d'encö i è i cümü de Marmintì, Pezàze, Irma e Còi enfinamài al Pas del Maniva e pò a i teretóre entùren a Pezór e Sém. La sò ezistènsa l'è atestàda zamò 'ndèi docümèncc del sècol XI.

Böegn e la Rezistènsa[<small>Mudifega</small> | mudìfica 'l sorgènt]

La zét del paés la g'ha dat en contribùto importànt a la Rezistènsa e per chèsta rizù gh'è stat consegnàt al cümü la Medàia de bróns al Mèret Civìl. 'Ntra el 15 e 'l 16 de óst del 1944 söl sò teretóre gh'è stat fat 'na stràge de part dei nazisti-fasìsti, riportàda 'ndèi lìber col nòm de "Eccidio di Bovegno", che la g'ha fat 15 mórcc. L'è 'l fat piö sanguinùs de la guèra civìl endèl bresà.


Evulusiù demogràfica[<small>Mudifega</small> | mudìfica 'l sorgènt]



Abitàncc censìcc


Riferimèncc[<small>Mudifega</small> | mudìfica 'l sorgènt]

  1. Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.