Pagina principala
|
|
 Vos in vedrina La bataja de Sgiornigh o di Sass Gross (italian: Battaglia di Giornico o dei Sassi Grossi; todesch: Schlacht bei Giornico) l'è stada combattuda el 28 de dicember del 1478 tra l'esercit milanes e quell di svizzer in del territori de Polesg e Boeuid, in Canton Tesin. La vittoria di Svizzer l'ha segnaa la fin di guerr per el domini de la Leventina. La bataja la gh'ha de vess colocada in del contest di guerr tra el Ducaa de Milan e i Canton svizzer per el domini de la vall del Tesin e de l'Ossola, oltra che in di gioeugh de egemonia in tra i statt italian. In tra el 1440 e 'l 1466 i svizzer del Canton Uri eren riessii a conquistà, pu o manch pacificament, tutta la Leventina, minga delonsg de la città-castell de Belinzona. Anzi, in del 1466 el duca Galeazz Maria Sforza el gh'aveva promettuu el possess de la vall ai Uran. Ma poeu dopo el duca el s'è refudaa de vess de parolla. 'Sto tradiment, insemma al sostegn che Milan el gh'aveva daa a Carlo el Temerari – che 'l combatteva contra i Svizzer in Borgogna – l'ha faa cress i tension intra i duu Stat. De sora maross, el papa Sist VI e 'l re de Napoli Ferdinand II voreven indebolì el podè de Milan in Italia – al temp Roma e Napoli eren dree a combatt contra Milan e Fiorenza – hann cercaa de mett i Svizzer anmò pussee in sul pè de guerra; tant l'è vera che in del 1477 el papa el gh'ha ciamaa ai Svizzer de vegnì giò in Italia "per salvà la Gesa", e 'l gh'ha anca mandaa su on banderon con su San Peder. Deggià che 'l pareva che i svizzer se voreven minga moeuv, el papa el gh'ha anca promiss el tesor ducal de Pavia.
 Te 'l savevet che ... La Basilega de San Michel Magior a l'è una gesa in stil romanegh lombard de Pavia, vista 'me vuna di pussee belle in quell stil la. Fada su per la prima voeulta del secol VII, al temp di lombard antigh, a l'è stada costruida ancamò di secoi XI e XII. L'ha ciapad el nom de Magior per spartìlla de una gesa noeuva che l'era stada fada su apena foeura di mure de Pavia e l'è stada la gesa palatina del Palazz Real di lombard, che di rest inn stad trovad sota e l'era mituda in su la prima moneda coniada de lor. La gesa la brusa del 1004 e l'è donca fada su ancamò, cont un lavorà fornid per el 1130, cont un interruzzion per el gran terramot del 1117. Lilinscì inn stad incoronad Re d'Italia el Berengari I, el Guid de Spoleto, el Lodovigh III, el Rodolf III de Borgogna, l'Ugh de Provenza, el Berengari II d'Ivreja, l'Arduin, l'Enrigh II e infin el Barbarossa. Quand che el Gian Galeazz Vescont l'è stad fad Duca de Milan l'ha volud festegià in la basilega e l'ha fad su la contea de Pavia, reservada a l'ered al trono, e l'ha fad guarnà el so coeur, dopo mort, lilinscì, menter el corp l'è stad mitud sota a la Certosa de Pavia. (Va inanz)
 In di olter lengovI des Wikipedie con pussee de articoi: Ingles, Cebuan, Todesch, Svedes, Frances, Olandes, Russ, Spagnoeul, Italian, Arab Egizzian Alter lengov minoritari e piscinine: Bieloruss classegh, Breton, Giavanes, Veneto, Napolitan, Sundanes, Curd, Frison, Chines Wu, Scot
 Un proverbi a cas
"L'è mej en cativ credet che 'n bon dèbet" |
 Ocio!
 WikipediaWikipedia l'è un'enciclopedia libera e portada inanz apena de utent volontari. El so obietiv l'è de menà la cognossenza libera a tucc e in pussee lengov che se po. I nost Cinch Pilaster inn:
Una vos de scriver
 Cossa se po fà?
|
