Wikipedia:Benvegnuu
|
|
Quel articul chì l'è scrivüü in Lumbard, cun l'urtugrafia insübrica ünificada. |
Benvegnüü in sü la Wikipedia, l'enciclupedia libera, in lengua lumbarda
Dagh na man a la Wiki
[modifica 'l sorgent]El bel de la Wikipedia l'è che tücc, ma propi tücc, poden dagh na man a la Wiki a devegnì 'ncamò püssee bela, scrif na vus, met apost di erurit, e, in general, fà sentì la sua vus in de la cumünidaa.
Rob de scrif minga
[modifica 'l sorgent]- Vus che pertuchen in d'un vucabulari, per quell gh'em el Wikizionario
- Nöf, scrivij in sü Wikinews
- Trascrissiun de test, metij in sü Wikisource
- Upiniun
- Reclam
Scrium cumè, alura?
[modifica 'l sorgent]
|
Per savenn pussee, varda l'articol Wikipedia:Pillol de milanes. |
Vün che 'l vör scrif in sü la Wikipedia 'l gh'ha minga d'iscrives, però 'l saria mej.
T'ela chi na lista de regul de tegnì a ment in sü la LMOWiki:
Grafij
[modifica 'l sorgent]In sü la Wikipedia Lumbarda gh'em dij grafij testaa e recugnussüü, e hin:
- Lumbard Ucidental
- Grafia Milanesa
- Insübrega Ünifigada (chela druada in chela vus chi, per esempi)
- Lumbard Uriental
- Grafia Uròbiga Ünificada
- Grafia del Dügaa de Piassa Puntida
- Versiun Semplificada
- Koiné Grafega
Gh'heet ancamò di dübi? Vegn a truàn in sül Wikipedia:Grott!
Marca la tua varianta
[modifica 'l sorgent]Quand che te scriver in sü la Wikipedia te gh'he de marcà la varianta (dialett) de Lumbard che te se dré a duperà. I template püssee duperaa hinn:
- {{MILCLASS}} per la milanesa
- {{LOCC}} per l'insübrica ünificada (l'urtugrafia de questa guida)
- {{SL}} per Scriver Lombard
- {{LORUNIF}} per l'orientala ünificada
- {{NOL}} per la Növa Grafia Lumbarda
Enciclopedicità
[modifica 'l sorgent]In la vus gh'hem de capì sübit perchè el suggett el gh'ha de stà in sü la Wikipedia. Un bun incipit l'è: "El Mario Rossi (Lügan, 31 de febrar del 1987) l'è un dutùr tesines, inventur de la Hichoc, cüra definitiva al sangutt".
El fà vidè sübit el mutiv de enciclupedicità del suggett, e i alter infurmaziun poden andà in la biugrafia.
Tutor
[modifica 'l sorgent]Se te gh'het di dübi scriv a vün di 'sti ütent chi de suta:
FAQ
[modifica 'l sorgent]Mi su minga ben el dialèt, pòdi jütà istess?
[modifica 'l sorgent]Si, anca se te set mia bun de parlà un perfèt lumbard, i ütent pussee espert metteran a post i tò errùr. E a bun cünt se pò dì che scriv in sü la Wikipedia el pò jütà a imparà mej el lumbard.
Hu paüra de fà un rebelòtt...
[modifica 'l sorgent]Nissün prublema, vün di principi de la Wikipedia l'è de vess francun, o bold, 'me disen i ingles. L'è mej fà un erur che fà nagòtt! :)
L'è un'enciclopedia in milanes?
[modifica 'l sorgent]No, te pòdet scriv in tücc i dialett lumbard. Se 'l tò dialett el gh'ha minga un'urtografia recungossüda, pröva a duperà Scriver Lombard o a dumandà in sül Grott.
Legg
[modifica 'l sorgent]Legg la Wikipedia l'è fazil e l'è una manera svelta per imprend, o fà püssee bell, el tò lumbard. Te pòdet duperà la casela de recerca per truà i informasiun che te vöret. Se gh'è una pagina cunt el titul cercaa te vegnaret purtaa, se la gh'è no te pudariet cercà la parola in di pagin o anca scriv la vus.