Pagina principala
|
|
 Vos in vedrina .jpg) El John Winston Ono Lennon, nassud ‘me John Winston Lennon (Liverpool, 9 de otober del 1940 – New York, 8 de dicember del 1980) l’è stad on cantautor, polistrumentista, artista e ativista britanich. Del 1960 al 1970 a l’è stad composidor e cantant del grup musical di Beatles, in di quai in cobia cont el Paul McCartney, l’ha anca compost la pupart di canzon. Cont el McCartney l’ha formad vuna di partnership musicai de sucess pussee importante de la storia de la musica del secol quell di vint. A l’è 'l cantautor pussee nominad in la storia di classifiche inglese seguid del McCartney. In del 2002, in d’on sondagg de la BBC sora i 100 personalità britaniche pussee importante de tucc i temp, el s’è classificad otav. Terminada l'esperienza cont i Beatles, el John Lennon l’è anca stad musicista solista, autor de dissegn e test poetegh, de sorapu l'è stad anca on ativista politegh e on paladin del pacifismo. Quest el gh’ha portad di problem cont i autorità statunitense (FBI), che per longh temp, a consideràll on soversiv, i hann spionad tute i so atività e quei de la mier Yōko Ono, e diverse volte s'inn refudad de dàgh la green card. L'è stad sassinad a colp de revolver, d'on so fan de lu, el Mark David Chapman, la sera del 8 dicember del 1980 a New York. El Lennon l’è andad in spos do volte: el gh’ha havud el fioeul Julian del prim matrimoni con la Cynthia Powell, inveci del second matrimoni con l'artista giaponesa Yoko Ono l’è nassud el fioeul Sean. Tucc e du i fioeui a inn andad adree a la carrera artistica del pader. Dopo el matrimoni con la Yoko, el John l’ha mudad legalment el so nom in John Winston Ono Lennon. John Lennon l’è al 5º post in la lista di 100 cantant pussee bon segond Rolling Stone. (Va inanz)
 Te 'l savevet che ... La Gesa de San Basili el Grand a l'è una gesa ortodossa del Patriarcad de Mosca a Bologna, la pussee veggia de l'Emilia-Romagna. A l'è stada fondada 'me gesa catolega del 1435 del cardinal Niccolò Albergati, arcivescov de Bologna e fraa certosin, che ghe l'ha dada in gestion al so ordin, inscì de tegnìgh denter una reliquia che gh'haveven regalad de l'Inghilterra, o ben el coo de la Sant'Ana, che ghe l'haveven dedicad. Del 1715 a l'è restaverada in stil baroch, cont un lavorà del pitor Gioacchino Pizzoli e de l'Alessandro Tiarini, che hann trovad sota de la gesa una soa pitura che credeven perduda. Quand che 'l riva el Napoleon a l'è nazzionalizada e doperada per vari mester, tant 'me tegnì dent i desfollad e 'me deposit de la sal e de bitum, menter la reliquia a l'è menada in la Catedral de San Peder. (Va inanz)
 In di olter lengovI des Wikipedie con pussee de articoi: Ingles, Cebuan, Todesch, Svedes, Frances, Olandes, Russ, Spagnoeul, Italian, Arab Egizzian Alter lengov minoritari e piscinine: Piemontes, Catalan, Sardegnoeul, Galles, Galizzian, Ciovasch, Alemann, Sicilian, Cherokee, Mannes.
 Un proverbi a cas
"Al temp di castegn ol cul no 'l gh'ha ritegn" |
 Ocio!
 WikipediaWikipedia l'è un'enciclopedia libera e portada inanz apena de utent volontari. El so obietiv l'è de menà la cognossenza libera a tucc e in pussee lengov che se po. I nost Cinch Pilaster inn:
Una vos de scriver
 Cossa se po fà?
|
