Gesa de San Basili el Grand (Bologna)
|
Quest articol chì l'è scrivud in lombard, con la Noeuva Ortografia Lombarda |
La Gesa de San Basili el Grand a l'è una gesa ortodossa del Patriarcad de Mosca a Bologna, la pussee veggia de l'Emilia-Romagna.[1]
Storia
[Modifega | modifica 'l sorgent]A l'è stada fondada 'me gesa catolega del 1435 del cardinal Niccolò Albergati, arcivescov de Bologna e fraa certosin, che ghe l'ha dada in gestion al so ordin, inscì de tegnìgh denter una reliquia che gh'haveven regalad de l'Inghilterra, o ben el coo de la Sant'Ana, che ghe l'haveven dedicad. [1]
Del 1715 a l'è restaverada in stil baroch, cont un lavorà del pitor Gioacchino Pizzoli e de l'Alessandro Tiarini, che hann trovad sota de la gesa una soa pitura che credeven perduda[2][1]. Quand che 'l riva el Napoleon a l'è nazzionalizada e doperada per vari mester, tant 'me tegnì dent i desfollad e 'me deposit de la sal e de bitum[1], menter la reliquia a l'è menada in la Catedral de San Peder.[2]
Del 1973 el comun de Bologna la dà in concession a la comunità ortodossa russa de la cità[1], cont un arcod con l'igumen Evloghi, che 'l viveva a Milan e gh'haveva domandad una gesa de medie dimension per i ortodoss de la zona. [2] Del 1975 el riva, di Stat Unid, el prim curad, el Marco Davitti, e l'ann adree a l'è restruturad e l'è mituda l'iconostasa.[2]
Del 1998 la lassa la giurisdizzion de la Gesa Ortodossa Russa Foeura de la Russia inscì de tornà sota el Patriarcad de Mosca, cont el permess del patriarca Alessio II de Mosca, che 'l mandarà el vescov Gouryj a firmà la conciliazzion.[2]