Pagina principala
|
|
 Vox ind la vedrinaEl pH a l’è ‘na grandèzza fisica che l’indica l'acidità (oppur la basicità) de on gas e de on liquid. El sìmbol "pH" a l’è staa inventà in del 1909 del chimich danés Søren Sørensen Il tèrmen p (operadór) a l’è el sìmbol de dò operazion matemàtich in su l’attività del cation ossòni in soluzion acquosa: a se fa innanz el logaritm in base 10 de l'attività e poeu a ghe se mètt el sègn men denanz. Per i proprietà di logaritm, a s'ottèn el medésim risultàa anca cont el calcolà el logaritm del reciproch de de l’attività di ion ossòni. Donca a se definiss inscì: indoe aH+ la rappresenta l'attività di catión ossóni. L'attività di ión ossòni a l’è ‘na grandèzza senza unitàa de misura, defàtt a l’è definibil inscì in tèrmen de concentrazion molar di ion ossòni: )
‘doe a l’è la concentrazion molar di catión ossòni, l'è la concentrazion molar unitaria (misa dent domà per fa de manera che l’argoment del logaritm el sia senza unitaa de misura) e a l’è el coefficient molar de attivitaa, on parametro senza unitàa de misura che ‘l misura i deviazion de la condizion ideàl caosàd soratùtt di interazion elèttrostatich intrai ion in soluzion. El coefficient de attività el tend a l'unità (e donca l'attivitàa la se vesina a la concentrazión molar di cation ossòni) per di soluzion acquos slongàd assée (≤ 0,1 mol/dm³). In quèj condizion chì, l'equazion de prima la pò vèss semplificada inscì: Ancabén el sia minga giust del ponto de vista matematich, a l’è d’usanza, per resón de curtèzza, de tralassà l’indicazion de la concentrazion unitaria ind l’argoment del logaritm (ma cont el suppònn comunque la soa presenza) e scriv el pH domà in quèlla manera chì:
De convenzión, el pH di soluzion acquos l’assumm di valór infra 0 (acidità màssima) e 14 (basicità massima). La condizion de neutralità la corrispónd al valór de mèzz, 7, tipich de l'acqua pura a 25 °C. El pH el poò vèss misuràa per via elèttrica, cont el sfruttà el potenziàl creàa de la differenza de concentrazion de ion idrògen in su i du lati de ‘na membrana de veder (vedée peaccàmeter), oppùr per via chimica, cont el sfruttà la capacità di quaj sostanza (ciamada indicadór) de cambià el sò color in funzion del pH de l'ambient 'ndoe l'è. De nòrma, chi sostanz chì hinn doperàd in soluzion, compagn per esempi de la fenòlftaleina e ‘l bloeu de bromotimòl. Despèss i indicadór vegnen doperàa anca sora di band de carta ( i inscì ciamàd "cartinn indicadór universàl"), che cambien el sò colór quand che vegnen pocciàa denter in di sostanz àcid o basich. L’esempi pussée comun a l’è quèll di " tornasól", de colór roeusa in ambient àcid e azur in ambient alcalin. (Innanz)
 A l' savivet qe ... Un dia o Dio soratut in d’un contest cristian e monoteista; forma feminina deja) l’è un vesser soranatural che l’è considerad divin o sagrad. I dia inn stait definid coma “dei entità con di podé ben pussee grand de quii dei omen ordenari, ma che ghe interagissen coi uman — e in del ben, e in del mal — in de di manere che menen i persone a livàss su a di ream de conscienza ben pussee volt de quell del viver normal, de dessora di preocupazzion de la vita de tucc i dì.” I religion pœuden vesser despartide in bas a quancc dia che i sœu devot veneren. I religion monoteisteghe recognossen nomà un dia, al qual se referissen normalment coma “Dio”; inveci, quei politeisteghe azzeten pussee de un dia. I religion enoteisteghe recognossen un dia coma el sò vesser suprem, ma neghen nò l’esistenza de tucc i olter dia, e je consideren coma dei aspecc diferent de l’istess prenzipi divin. I religion minga-teisteghe neghen l’esistenza de un dia eterna che el sia conzepid coma la realtà ultima e el creador suprem del mond, ma pœuden azzetà un rosc de dia che viven, mœuren, e nassen ancamò compagn de tute i oltre creature in de l’univers manifestad. (Va inanz)
 Ind i oltre lengue...I dex Wikipedie con plussee articoi: Ingles, Cebuan, Todesc, Svedes, Frances, Olandes, Russ, Spagnœl, Italian, Arab Egizian Oltre lengue minoritarie: Piemontes, Catalan, Sardegnœl, Galles, Galizian, Ciovaç, Alemann, Sicilian, Tatar de Crimeia, Mannes.
 Un proverbe a cas
"O ta mangiet la minestra o ta saltet da la finestra" |
 Ocio!
 WikipediaWikipedia l'è un'enciclopedia libera e portada inants apena de utents volontare. Ol so obietiv l'è de menar la cognossenza libera a tuts e in plussee lengue qe s'pœl. I nost Cinq Pilaster i è:
Una vox de scriver
 Cossa s'pœl far?
|
![{\displaystyle a_{H^{+}}=\gamma {\frac {[H_{3}O^{+}]}{C_{H^{+}}^{0}}}}](https://wikimedia.org/api/rest_v1/media/math/render/svg/f3d4cad14b6bd0dab156faf9219cf12c0c451b29)
![{\displaystyle [H_{3}O^{+}]}](https://wikimedia.org/api/rest_v1/media/math/render/svg/16f048721398f4ee57fcd410f0ec4f4a1e3846d5)
![{\displaystyle pH=-\log _{10}{\frac {\left[H_{3}O^{+}\right]}{C_{H^{+}}^{0}}}=\log _{10}{\frac {C_{H^{+}}^{0}}{\left[H_{3}O^{+}\right]}}}](https://wikimedia.org/api/rest_v1/media/math/render/svg/5c5d44580fe44c0bddfeebcb356e2e807393a2d3)
![{\displaystyle pH=-\log _{10}[H_{3}O^{+}]}](https://wikimedia.org/api/rest_v1/media/math/render/svg/f8c0d937fa8a6fdad879aa15a464fd2c9ef9b1f6)