Via Baggina
|
Quest articol chì l'è scrivud in lombard, con la Noeuva Ortografia Lombarda |
| Ciàpa ol nòm da | forse armae italiane  |
|---|---|
| Stat | Itàlia |
| Unità ministrativa che l'è localizad | Milan |
| Coordenade geografeghe | 45°27′38″N 9°6′57″E |
| Propietari | comun de Milan |
| Codes via | 6643 |
La via Baggina [1] [2] a l'è una strada de Milan, che la conliga el center a Bagg, che fina al 1923 l'è stad un comun deperlù.[1]
Al dì d'incoeu la se ciama via delle Forze Armate, foeura che per la prima trata, indova che gh'è el Pio Albergh Trivolz, che l'è ciamada via Trivolz.[3]
Storia
[Modifega | modifica 'l sorgent]La strada per Bagg, che la gh'è de un monton de temp, la nasseva de la via Marghera in del borgh de la Madalena, quella che incoeu l'è la piazza de Angelis, e la rivava fina a la citadina[2]: del 1913 ghe meten su i binari del tram e ghe passarà una linia, che la gh'havarà el numer 34, e che la tacarà el quarter con porta Magenta e, pussee inanz, con piazza Cairoeu.[1] Dopo, ghe metarann el numer 18 e la conligarà via Bagarotti con la Cità Studi, l'è poeu limitada a Gambara e infin tolta via del 1979.[4]
Desgià che, anca se in territori milanes, la sed noeuva del Pio Albergh Trivolz l'hann fada su in su la strada, l'ha ciapad anca lu in tra i sgent el nòm de Baggina[5]: quell toch chi, che l'era el principi de la stràda, l'è ciamad incoeu via Trivolzi.[3]
Al civegh 175 se troeuven di preje de topicà per regordà la familia Varon, deportada a Auschwitz.[6]
Percors
[Modifega | modifica 'l sorgent]_con_ex_comuni.svg)
Incoeu la strada la nass del rondò de largh Carlo Alberto Dalla Chiesa: la passa el vial Pisa, la toca la scoeula elementar Cabrini e la và inanz al Deposit ATM Bagg, la riva inscì in del territori del vegg comun de Bagg indova che gh'è la Caserma Santa Barbara.[1] la toca la Piazza d'Armi e l'Ospedal Militar de Bagg, oltra a quell che resta de la Cassina Crea, poeu la se incrosa cont i strade che, un zich pussee in bass, deventen via Bisceglie: la riva poeu aproeuv al Parch di Cave, indova che gh'è el compless de la Viridiana, progetad del Luigi Caccia Dominioni e del Vico Magistretti.[7]
Inscì se lassa el territori de Sella Noeuva e se riva in del nucli storegh baggin e la strada la se spartiss, a dàgh origin a via Cividale del Friuli, che la mena al Quarter di Olm e al Quarter Valsesia. Quand che la riva in del coeur de Bagg la toca prima la Gesa Evangelega ADI e poeu la Gesa de Sant Apollinar e la deventa a sens unegh quand che la se incrosa con via Rismondo, la riva poeu in Piazza Cesare Stovani[8], e dopo un quaj centiner de meter la finiss: in del darrer numer civegh gh'è el Palazziètt e la mena inanz diretament in su la Gesa Veggia, con la viabilità che la oblega a tirà inanz in su la via Ceriani e in la piazzetta del Moronasc.
Straport
[Modifega | modifica 'l sorgent]El bus pussee importànt de la via a l'è la 67, che la conliga piazzal Baraca a via Scanini: la corr del principi de la via fina a quand la se spartiss con via Rismondo, indova che la va inanz per la part noeuva del quarter.[9] i linie 49, 63 e 78 doperen in part la strada. [9]
La linia di bus de nocc che sostituissen la metropolitana NM1 la dopera squasi tuta la via per conligà la stazzion de Bisceglie al Quarter di Olm. [10]
Riferiment
[Modifega | modifica 'l sorgent]- ↑ 1,0 1,1 1,2 1,3 Roberto Arsuffi. it-IT Milano | 100 anni della Grande Milano, quando le periferie erano paesi: Baggio. 2023-10-01. URL consultad in data 2024-06-20.
- ↑ 2,0 2,1 Milano 1832-1947 - La città che sale 14 - Stagniweb. URL consultad in data 2024-06-22.
- ↑ 3,0 3,1 Roberto Arsuffi. it-IT Milano | Verziere - Il perduto Palazzo Trivulzio di via della Signora. 2024-03-17. URL consultad in data 2024-06-24.
- ↑ Tram a Milano: i percorsi (1959-1966). URL consultad in data 2024-06-21.
- ↑ (IT) Pio Albergo Trivulzio: la lunga e difficile storia della "Baggina" (1771-2020) - Panorama. URL consultad in data 2024-06-20.
- ↑ it-IT VARON - Pietre d'inciampo. 2021-02-11. URL consultad in data 2024-06-20.
- ↑ it-IT Caccia Dominioni e Magistretti e i giardini della Viridiana a Milano / Zanfi e Graziani. 2014-01-27. URL consultad in data 2024-06-20.
- ↑ it-IT Dove siamo – Parrocchia di Sant'Apollinare in Baggio (Milano). URL consultad in data 2024-06-20.
- ↑ 9,0 9,1 (IT) ATM - Percorsi delle linee di superficie urbane - ds538_tpl_percorsi.geojson - Open Data - Comune di Milano. URL consultad in data 2024-06-20.
- ↑ Rete Notte ATM
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su via Baggina
