Piazza Cesare Stovani
|
Quest articol chì l'è scrivud in lombard, con la Noeuva Ortografia Lombarda |
Piazza Cesare Stovani a l'è el center ministrativ de Bagg, quarter de Milan dal 1923 e prima comun deperlu.[1] La ciapa el nom del Cesare Stovani (1886-1945), l'ultim sindegh del comun prima che 'l tacaven a Milan[1]
Al dì d'incoeu a l'è per la pupart sarrada per quei a pè, a gh'è domà una corsia per i viture che gh'hann de andà in via di Forze Armade.[1]
In la piazza se troeuven[1]:
- L'Anagrafe del comun, verta 'me scoeula elementar, e anca sed de la Cà di Sociazzion del Municipi 7 e del center vacinal.[2] [3]
- El vegg Palazz Comunal, fad su dopo del 1893 sota la ministrazzion del sindegh Giuseppe Meregetti, incoeu gh'è dent la Cros Verda Bagg[3]
- La Cà del Popol, vegnuda su anca lee 'me scoeula e, quand che al temp del Dus del 1927 hann fad su la scoeula Zima-Garibaldi (incoeu la ciapa el nom de la Carla Fracci), fada Cà del Fass. A la fin de la guerra per la ministrazzion l'havaria dovud ospità i sed de tucc i partid, e per un temp l'ha vist i comizzi de la DC e del PCI, ma desgià che Bagg l'era bell ross, a la fin gh'inn restad domà i comunista e i socialista.[3]
Al center de la Piazza gh'è el Monument ai Mort de la Gran Guerra, fad del 1928 del Cavazzoni e del Zampieri.[1] Dopo de la segonda guerra mondial gh'hann metud anca un para de preje per regordà i mort lilinscì, e anca quei per la liberazzion.[4]
Riferiment[Modifega | modifica 'l sorgent]
- ↑ 1,0 1,1 1,2 1,3 1,4 Roberto Arsuffi. it-IT Milano | Baggio - Piazza Cesare Stovani nella sciatteria. 2020-01-31. URL consultad in data 2024-06-15.
- ↑ it-IT Casa delle associazioni nel Municipio 7. URL consultad in data 2024-06-15.
- ↑ 3,0 3,1 3,2 Mario Pria, 1949 Una storia fra amici Dalla Casa del Popolo alla Punta dell'Ovest.
- ↑ Valore e attualità del Messaggio della Resistenza.
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Piazza Cesare Stovani
