Ospedal Militar de Bagg

Quest articol chì l'è scrivud in lombard, con la Noeuva Ortografia Lombarda

L'Ospedal Militar

L'Ospedal Militar de Bagg (ofizzialment Center Ospedaler Militar de Milan) a l'è un ospedal gestid de l'Esercit italian con sed in del Municipi 7, in del quarter de Bagg.

Storia

La soa costruzzion l'è autorizzada in del 1926 e l'è fad su in tra el 1928 e 'l 1931, part de la piazza d'armi incentrada in su la Caserma Santa Barbara menter el vegg ospedal de Sant Ambroeus l'è cedud a l'Università Catolega del Sacher Coeur. El sistema a l'era fad 'me una citadella isolada e squasi totalment bona de gestìss indeperlee.

Inaugurada in del 1931, l'era una costruzzion in stil neorenassimental, l'era un esempi de moderna - per l'epoca - strutura sanitaria, manzonada in di test de edilizzia sanitaria 'me esempi de coreta costruzzion d'igien e ispirada a l'Hôpital Lariboisière.

Durant de la segonda guerra mondial l'è stad soldad in del center el Gianni Rodari, che poch dopo de l'assegnazzion l'ha molad e 'l s'è svesinad a la Resistenza italiana.

Con la fin del servizzi militar in Italia la soa necessità la se sbassa e l'è donca vert anca ai civil e vuna di palazzin l'è fàda 'me ambulatori civil.

Durant de l'emergenza del COVID-19 l'è stad doperad 'me center per i malad e i sgent de meter in isolament per sbassà la pression in sui ospedal civil e poeu l'è stad doperad anca 'me center per fà i tampon.

Riferiment

• Archivi de l'Istitut "Luce"
• IlLibraio
• Baggio, la caserma diventerà Lazzaretto

Bibliografia

• Origine e Tipo dell'Ospedale Militare, Stefania Monzani, Politecnegh de Milan

Alter proget

Altri progetti

• Wikimedia Commons

• Wikimedia Commons el gh'ha dent imagin o alter archivi su Ospedal Militar de Bagg