Cassina Crea
|
Quest articol chì l'è scrivud in lombard, con la Noeuva Ortografia Lombarda |
.jpg)
La Cassina Crea (in italian Cascina Creta) a l'è stada una cassina de Sella Noeuva, incoeu vun di quarter de Milan ma prima comun autonom e poeu frazzion de Bagg: al dì d'incoeu l'è stada trada sgiò squasi per intregh, foeura che per una cà picinina che la gh'ha dent un tabacher, che in milanes classegh l'era ciamada el tabacchee de la Crea[1], ghe lassa però el nom a una via e, pussee generalment, a la banda pussee orientala de Sella Noeuva, quella che la riva a tocà el Lorentegg, oltra a una gesa.[2]
Storia[Modifega | modifica 'l sorgent]
La Crea l'è tirada a man in la Carta dei Fieni del Claricio del 1659, e l'era in tra i vie Bisceglie e Saint Bon del dì d'incoeu, e l'era tocada del rial Marcion, che 'l nasseva in del Parch di Cave de adess.[1]
El nom el vegnaria del facc che sota a gh'era tanta terra crea, che l'era doperada poeu per fà i quadrei.[2]
Sota el fassism i aziende agricole se sposten in la cassina Crea Noeuva, un'azienda agricola modell del temp e a quei che eren andad soldad per i guerre in Africa ghe dann un lavorà in di industrie statai, roba che la lassa voeuda la cassina veggia che, runenta, l'è trada sgiò in di agn '80 per lassà spazzi ai cà popolar de via Saint Bon.[1]
Note[Modifega | modifica 'l sorgent]
- ↑ 1,0 1,1 1,2 Roberto Arsuffi. it-IT Milano | Baggio/Sella Nuova - La vecchia casetta di Forze Armate 163 el "Tabacche' de la Crea". 2020-02-06. URL consultad in data 2024-06-16.
- ↑ 2,0 2,1 La Chiesa | Parrocchia San Giovanni Battista alla Creta. URL consultad in data 2024-06-16.
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Cassina Crea
