Pio Albergh Trivolz
El Pio Albergh Trivolz, ciamaa popolarment la Baggina perchè l'è in su la strada per Bagg, a l'è 'na cà de cura fondada in del 1766 che la se occupa de juttà i anzian.
L'è staa giontaa ai Martinitt e ai Stellinn pocch dopo de l'Unità d'Italia e in del 1910 l'è spostaa arent a Bagg. L'è deventaa famos in del 1992 in del scandol de Tangentopoli quand che el publegh ministeri Antonio Di Pietro, l'ha otegnuu on mandaa de cattura per el Mario Chiesa, president del Pio Albergh Trivolz e esponent de spicch del Partii Socialista Italian.
Al dì d'incoeu l'è gestii insemma de la Region Lombardia e del Comun de Milan.
