President de la Cechia

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
President de la Cechia
Prezident České republiky
Flag of the President of the Czech Republic.svg
Bandera del President
Zeman M 1.JPG
El President Miloš Zeman, in carega dal 8 de marz 2013
Stat Cechia
Istituii 2 de febrar 1993
Predecessor President de la Cecoslovacchia
Reform febrar 2012
President Miloš Zeman
Sed Castell de Praga
Sit web http://www.hrad.cz

El president de la Cechia a l'è el capp de Stat de la Cechia e, anca se l'è 'na republega parlamentar, l'è elegiuu direttament del pòpol per cinch agn e 'l pò vèss rielegiuu consecutivament domà dò voeult. A differenza di Stat indova che 'l President el gh'ha on roeul domà cerimonial, in Cechia el compartiss on poo de podè cont el Primm Minister.

Podè[Modifega | mudìfica 'l sorgènt]

El President cecch a l'è 'n autorità independenta e 'l sò podè pussee fort a l'è quell de mett el veto ai legg, foeura che per quej costituzionai, che 'l pò vess superaa del Parlament.

El nomina di member de la Cort Suprema, de la Cort Costituzional e de la Banca Nazionala Ceca. El pò desligà la Cambra di Deputaa se gh'è di condizion previst de la Costituzion.

El compartiss di podè in camp diplomatich e militar cont el Governo. L'è retegnuu comandant in capp di Forz Armaa Cecch e 'l gh'ha l'immunità. El pò vèss però rinviaa a giudizzi del Senad a la Cort Costituzional per volt tradiment, che la pò destituìll.

Elezion[Modifega | mudìfica 'l sorgènt]

Dal 1956 el president a l'éra elegiuu del Parlament de la Cechia e la separazion l'ha cambiaa no i robb. Dal 1 de ottober 2012 el President a l'è elegiuu direttament di gent e se pòden candidaa tucc quej che hinn nominaa de 20 Deputaa, 10 Senator o 50'000 elettor.

Prima per vèss offizialment candidaa al Parlament boeugnava 'vegh el suppòrt de 10 Deputaa o Senator, e l'elezion a l'éra fada in massim tre turn:

  • El primm cont la maggioranza assoluta di component in di dò camber
  • El segond cont la maggioranza assoluta di votant in di dò camber
  • El terz cont la maggioranza assoluta de tucc i parlamentar

Se a la terza nissun el vinceva se suttava cont el terz turn finna a 'n elezion.

Decadenza[Modifega | mudìfica 'l sorgènt]

El President el pò perd el sò incarich se:

  • El comunicà al President del Senad i sò dimission
  • L'è rinviaa a giudizzi del Senad e condanaa de la Cort Costituzional
  • L'è giudicaa inabil del Parlament e la Cort Costituzional la conferma el giudizzi

Simboi[Modifega | mudìfica 'l sorgènt]

Fanfara del President

El President el gh'ha el sò Stendard, cont el Stemma e 'l Mott de Stat "Pravda vítězí" ("la verità la vincc") e 'na fanfara, tolta del Libuše del Bedřich Smetana.

Lista di president[Modifega | mudìfica 'l sorgènt]

Partii Mandaa
Vaclav Havel IMF.jpg
Václav Havel
Independent (in principi Forum Civich) 1993-2003
Vaclav-Klaus-02-cropped.jpg
Václav Klaus
Partii Civich Democratich 2003-2013
Prezident Zeman MSV.jpg
Miloš Zeman
Partii di Diritt Civij 2013

Vos corelaa[Modifega | mudìfica 'l sorgènt]