Havel's Place

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Spazzi de Havel a l'Università del Sud Boemia

I Havel's Place (Spazzi de Havel in lombard) a l'è on progett artistich dedicaa a la memoria del Václav Havel, dissident del sistema comunista in Cecoslovacchia, sò ultim president e primm president de la Cechia. El consist in d'on tavolin circolar cont dò segg de giardin, tipicament covert de on alber e cont scricc in sul bord del tavol la famosa fras "verità e amor han de prevarì in su la bosia e l'oeudi".

L'ideja a l'è del Petr Gandalovič, ambasciator cecch in di Stat Unii, che l'ha incaricaa el designer Bořek Šípek, che l'aveva lavoraa cont l'Havel, de trovà 'na soluzion per regordàll. El tavol cont i cadregh el reppresenta la volontà del dialegh anca cont i idej different, per trovà la verità.

Incoeu ghe n'è in di città pussee important de la Cechia, a Lubiana, Lisbona, Portland, Oxford, l'Aja, Venezia, Barcelona, Dublin e Washington.

Riferiment[Modifega | mudìfica 'l sorgènt]