Marián Čalfa

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

El Marián Čalfa (Trebišov, 7 magg 1946) a l'è on politegh cecoslovacch e avocatt slovacch, primm minister de la Cecoslovacchia dal 1989 al 1992 e President de la Cecoslovacchia ad interim per 17 dì in tra i dimission de Gustáv Husák e l'elezion de Václav Havel.

Biografia[Mudifega | mudìfica 'l sorgènt]

Member del Partii Comunista de la Cecoslovacchia, l'era espert de legg e càpo del dipartiment legislativ del Parlament federàl dal 1985. Durant de la Revoluzion de Velluu a l'è ciamaa a sostituì Ladislav Adamec per facilità la transizion a la democrazia. Pocch dòpo vessés insediaa el president Gustáv Husák el se dimett e 'l ciappa el roeul de president ad interim finna al 29 de dicember 1989, cont l'elezion del Václav Havel a President.

In del genar 1990 el molla el partii comunista per entrà in del Publich contra la violenza che in del 1991 la deventa Union Civica Democratica. Dòpo la sconfitta del sò partii in del 1992 el torna avocatt a Praga.

Bibliografia[Mudifega | mudìfica 'l sorgènt]

  • MÜLLEROVÁ, Alena; HANZEL, Vladimír. Albertov Příběhy sametové revluce. Praga: Nakladatelství Lidové noviny, 2009. ISBN 978-80-7422-002-9.
  • BARTOŠ, Josef; KOVÁŘOVÁ, Stanislava; TRAPL, Miloš. Osobnosti českých dějin. Olomouc: ALDA, 1995. ISBN 80-85600-39-0.