Tomáš Garrigue Masaryk

De Wikipedia
Lumbard ucidental Quest articol chì l'è scrivuu in lombard, grafia milanesa.
Tomáš Garrigue Masaryk

Tomáš Garrigue Masaryk (IPA: [ˈtomaːʃ ˈɡarɪk ˈmasarɪk], Hodonín, 7 de marz 1850 – Lány, 14 settember 1937) a l'è staa on sociolegh, filòsof e politegh cecoslovacch, fondator de la Cecoslovacchia e sò president dal 1918 al 1935, succeduu poeu del Edvard Beneš

Biografia[Modifega | modifica 'l sorgent]

Masaryk el nass in Moravia, a l'epoca in l'Imperi Austro-Ungarich, de mader coeuga e pader cocchiee. De giovin a l'è avviaa a l'attività de ferree, ma el studia a l'università e in del 1879 a l'è abilitaa a insegnà, cont ona tesi in sul suicidi. In del 1882 a l'è ciamaa per insegnà a Praga e 'l se impegna in la filologia ceca e per l'istruzion del popol.

In del 1878 l'ha maridaa l'ugonotta americana Charlotte Garrigue e 'l toeu el sò cognomm, in l'ambit de la soa battaglia per l'emancipazion di donn.

Politega[Modifega | modifica 'l sorgent]

In del 1900 el fonda el Partii Popolar Cecch e l'è elegiuu al Parlament de Vienna anca cont i vot di socialdemocratich. Cont el s'cioppà de la guerra el va a l'ester e 'l spantega in del mond i idej del cecoslovacchism, finna a incontrà el President di Stat Unii Woodrow Wilson, gran fautor de l'autodeterminazion. El 14 de november 1918 a l'è elegiuu President de la Cecoslovacchia e a l'è reconfermaa in del 1920, 1927 e 1934. In del 1935 el se dimett per motiv de salut e 'l da el post a Beneš, sò alev.

Onoreficenz[Modifega | modifica 'l sorgent]

Cavaliee de l'Orden de l'Elefant (Danimarca) - nastrin per uniform ordinaria Cavaliee de l'Orden de l'Elefant (Danimarca)
— 1925
Cavaliee de l'Orden de l'Aquila bianca (Polonia) - nastrin per uniform ordinaria Cavaliee de l'Orden de l'Aquila bianca (Polonia)
— 1925

Bibliografia[Modifega | modifica 'l sorgent]

  • François Fejtö, Requiem per un impero defunto.

Vos corelaa[Modifega | modifica 'l sorgent]