Dalai Lama

Quest articol chì l'è scrivud in lombard, con la Noeuva Ortografia Lombarda

El Dalai Lama l’è tradizzionalment el cap de stat del Tibet e un important lider spriritual per la sgent tibetana.^[1]^[2] El titol, però, el representa nominalment domà la carega pussee volta de l’orden Gelug del buddhesim tibetan^[3] – l’orden pussee sgioven dedenter del panorama religios del Tibet che, cont el temp, l’è stait bon de imponner la sò egemonia e autorità in sui olter orden e, de pœu, anca in su l’aparat politico-ministrativ che el governava tuta la region tibetana. Per dovrà di parolle pussee famejare per lor che inn usad al contest ozzidental, el Dalai Lama l’era donca rivad a posseder el prestisg e tucc i podé reservad a un rè, ma anca tucc quii che perten a un papa. Per quella reson chì, in Ozzident i sœu fidei ghe disen anca “Soa Santità”, istess ‘mè se fa per la massima carega de la gesa cristiana catolega.

Segonda la tradizzion, i Dalai Lama inn di tulku (majester spirituai reincarnad),^[4] e considerad ‘mè un’emanazzion de l’Avalokiteśvara, el bodhisattva de la compassion, che in ogni vita el tœu un corp nœuv per vutà tute i oltre creature senziente a guadagnà l’inluminazzion.^[5]^[6]

Etimologia

La parolla “dalai” la ven sgiò del mongol e literalment la vœul dì “ocean”, ma la pœul anca vesser lensgiuda ‘mè un agetiv e donca segnifegà “grand” o “suprem”.^[7] Inscambi, la parolla “lama” l’è un titol tolt de la lengua tibetana dovrad per segnà di monegh che hann gagnad un nivell de vanzament spiritual considerevel e, donca, siben la parolla medema la vœula dì “saviezza” in la lengua tibetana, l’è dovrada per referìss a di guru, o di majester religios. In sintes, “dalai lama” el pœu volé dì e “gran majester”, e “ozzeen de saviezza” forsi in d’una manera pussee poetega.^[8]

Tutamanch, i tibetan dœuvren quell titol chì domà de rara desgià che i preferissen dìgh Gyawa Rinpoche (“gran protetor”) o Yeshe Norbu (“gioja granda”).

Storia

I Dalai Lama inn stait i lider politegh del Tibet del secol quell de 17 infina al 1959, quand el Dalai Lama quell de 14, el Tenzin Gyatso, l’ha ’vud de lassà el Tibet in gropa a un asen e in del cœur de la nocc, e menàss in India per riessì a descappà dei armade communiste del governa del Mao, che el gh’haveva di gross interess in la region e ’l la voleva conquistà per colonizàlla e fàlla vegnì pussee cinesa. Ancamò adess, el Dalai Lama el viv ‘mè un refugiad politegh in India, ancaben che el sia an’mò el cap ofizzial del governa tibetan in esili.^[9]

L’influenza de l’orden Gelug – ciamad ancasì quell di “beret sgiald” per el color di capei di sœu sazzerdot – la se limita minga domà al Tibet, ma la s’è storegament spantegada infina a la Mongolia, indova che i Gelugpa hann godud del patronasg e protezzion di prim rè mongoi di khanad Khoshut e Dzungar, e pœu dei imperador manchù de la dinastia Qing cinesa. Per quella reson chì gh’è stait anca di Dalai Lama che vegneven de la Mongolia e, ancamò al dì d’incœu, el buddhesim tibetan l’è prategad fiss in quella region chì e l’ha anca influenzad dei oltre prateghe locai che pertegnen a la sfera religiosa e shamanistega. In Mongolia, i shaman inn ancamò simbolegament despartid per el color di beret: sgiald se i fann part de la scœula Gelug – e donca buddhista – e nigher se i aderissen a di moviment spirituai minor nativ de la Mongolia.

Residenze

Intra l’era del Lobsang Gyatso e l’esili del Tenzin Gyatso, i Dalai Lama passaven l’inverna al palazz de Potala e, in istad, a se menaven a Norbulingka, anca questa in Lhasa. Depos de la fuga del Tenzin Gyatso in India in del 1959, la residenza offiziala del Dalai Lama l’è in Dharamshala, una zità de l’istacc indian de Himachal Pradesh, indova che el Gyatso l’ha podud stabilì la Ministrazzion Zentral Tibetana, ancasì informalment cognossuda ‘mè el governa tibetan in esili.

Tucc i Dalai Lama infinadess

A gh’è 14 reincarnazzion offizialment recognossude del Dalai Lama:

	Nom	Imagen	Quand che l’ha vivud	Recognossud	Regn	tibetan/transliterad	cines	Grafie alternative
1.	Gedun Truppa		1391–1474	–	Descognossud^[10]	དགེ་འདུན་འགྲུབ་ dge ‘dun ‘grub	Gêdün Chub (根敦朱巴)	Gedun Drub Gedün Drup Gendun Drup
2.	Gendun Gyatso		1475–1541	–	1492–1541^[10]	དགེ་འདུན་རྒྱ་མཚོ་ dge ‘dun rgya mtsho	Gêdün Gyaco (根敦嘉措)	Gedün Gyatso Gendün Gyatso
3.	Sonam Gyatso		1543–1588	?	1578–1588	བསོད་ནམས་རྒྱ་མཚོ་ bsod nams rgya mtsho	Soinam Gyaco (索南嘉措)	Sönam Gyatso
4.	Yonten Gyatso		1589–1616	?	1591–1626	ཡོན་ཏན་རྒྱ་མཚོ་ yon tan rgya mtsho	Yoindain Gyaco (雲丹嘉措)	Yontan Gyatso
5.	Lobsang Gyatso		1617–1682	1618	1642–1682	བློ་བཟང་རྒྱ་མཚོ་ blo bzang rgya mtsho	Lobsang Gyaco (羅桑嘉措)	Lobzang Gyatso Lopsang Gyatso
6.	Tsangyang Gyatso		1683–1706	1681	1697–1706	ཚངས་དབྱངས་རྒྱ་མཚོ་ tshang dbyangs rgya mtsho	Cangyang Gyaco (倉央嘉措)	Cangyang Gyatso
7.	Kelzang Gyatso		1708–1757	?	1720–1757	བསྐལ་བཟང་རྒྱ་མཚོ་ bskal bzang rgya mtsho	Gaisang Gyaco (格桑嘉措)	Kelsang Gyatso Kalsang Gyatso
8.	Jamphel Gyatso		1758–1804	1760	1762–1804	བྱམས་སྤེལ་རྒྱ་མཚོ་ byams spel rgya mtsho	Qambê Gyaco (強白嘉措)	Jampel Gyatso Jampal Gyatso
9.	Lungtok Gyatso		1806–1815	1807	1808–1815	ལུང་རྟོགས་རྒྱ་མཚོ་ lung rtogs rgya mtsho	Lungdog Gyaco (隆朵嘉措)	Lungtog Gyatso
10.	Tsultrim Gyatso		1816–1837	1820	1822–1837	ཚུལ་ཁྲིམས་རྒྱ་མཚོ་ tshul khrim rgya mtsho	Cüchim Gyaco (楚臣嘉措)	Tshültrim Gyatso
11.	Khendrup Gyatso		1838–1856	1840	1844–1856	མཁས་གྲུབ་རྒྱ་མཚོ་ mkhas grub rgya mtsho	Kaichub Gyaco (凱珠嘉措)	Kedrub Gyatso
12.	Trinley Gyatso		1857–1875	1860	1875-1895	འཕྲིན་ལས་རྒྱ་མཚོ་ ‘phrin las rgya mtsho	Chinlai Gyaco (成烈嘉措)	Trinle Gyatso
13.	Thubten Gyatso	‎	1876–1933	1878	1885–1933	ཐུབ་བསྟན་རྒྱ་མཚོ་ thub bstan rgya mtsho	Tubdain Gyaco (土登嘉措)	Thubtan Gyatso Thupten Gyatso
14.	Tenzin Gyatso	‎	nassud in del 1935	1937	del 1950 (ancamò in eserzizzi)	བསྟན་འཛིན་རྒྱ་མཚོ་ bstan ‘dzin rgya mtsho	Dainzin Gyaco (丹增嘉措)	Tenzing Gyatso

Ligam de denter

Referenze

↑ Woodhead, Linda (2016). Religions in the Modern World. Abingdon: Routledge, 94. ISBN 978-0-415-85881-6.
↑ Religions in the Modern World: Traditions and Transformations. Taylor and Francis.
↑ Schaik, Sam van. Tibet: A History. Yale University Press 2011, page 129, "Gelug: the newest of the schools of Tibetan Buddhism"
↑ "Dalai lama". Dictionary.com. Retrieved 12 March 2014. "(formerly) the ruler and chief monk of Tibet, believed to be a reincarnation of Avalokitesvara and sought for among newborn children after the death of the preceding Dalai Lama".
↑ Relentless: The Dalai Lama's Heart of Steel. Newsweek (29 January 2015). “His mystical legitimacy – of huge importance to the faithful – stems from the belief that the Dalai Lamas are manifestations of Avalokiteshvara, the Bodhisattva of Compassion”
↑ Laird 2006, p. 12.
↑ 陈庆英 (2005). 达赖喇嘛转世及历史定制英. 五洲传播出版社, 16–. ISBN 978-7-5085-0745-3.
↑ Petech, Luciano (1977). The Kingdom of Ladakh, c. 950–1842 A.D.. Instituto Italiano Per il Medio ed Estremo Oriente.
↑ (2016) Religions in the Modern World. Routledge, 94. ISBN 978-0-415-85880-9.
↑ ^10,0 ^10,1 El titel l’è postem per el prim e el segond Dalai Lama, idest el gh’è stait dait nomà apos a la soa mort de lor chì.

[1] Woodhead, Linda (2016). Religions in the Modern World. Abingdon: Routledge, 94. ISBN 978-0-415-85881-6.

[2] Religions in the Modern World: Traditions and Transformations. Taylor and Francis.

[3] Schaik, Sam van. Tibet: A History. Yale University Press 2011, page 129, "Gelug: the newest of the schools of Tibetan Buddhism"

[ddef-4] "Dalai lama". Dictionary.com. Retrieved 12 March 2014. "(formerly) the ruler and chief monk of Tibet, believed to be a reincarnation of Avalokitesvara and sought for among newborn children after the death of the preceding Dalai Lama".

[NW-5] Relentless: The Dalai Lama's Heart of Steel. Newsweek (29 January 2015). “His mystical legitimacy – of huge importance to the faithful – stems from the belief that the Dalai Lamas are manifestations of Avalokiteshvara, the Bodhisattva of Compassion”

[6] Laird 2006, p. 12.

[陈庆英2005_p16-7] 陈庆英 (2005). 达赖喇嘛转世及历史定制英. 五洲传播出版社, 16–. ISBN 978-7-5085-0745-3.

[Petech-8] Petech, Luciano (1977). The Kingdom of Ladakh, c. 950–1842 A.D.. Instituto Italiano Per il Medio ed Estremo Oriente.

[9] (2016) Religions in the Modern World. Routledge, 94. ISBN 978-0-415-85880-9.

[posthumous-10] 10,0 ^10,1 El titel l’è postem per el prim e el segond Dalai Lama, idest el gh’è stait dait nomà apos a la soa mort de lor chì.

[1]

[2]

[3]

[4]

[5]

[6]

[7]

[8]

[9]

[10]