Tatra T6A5
| Tatra T6A5 | |
|---|---|
| Tram | |
 | |
| Agn de costruzion | 1991-1998 |
| Agn de esercizi | 1991- |
| Quantitaa produxida | 296 |
| Costruidor | ČKD Tatra |
| Lungeza | 14'700 mm |
| Largeza | 2'500 mm |
| Alteza | 3,165 mm |
| Capacitaa | 30 settaa, 128 in pee |
| Quota del pian del pestar | 920 mm |
| Scartament | 1'435 mm e 1'000 mm |
| Massa a vœd | 19,5 t |
| Velocitaa massema omologada | 65 km/h |
| Tipolojia de motor | TV3 Thyristor |
El Tatra T6A5 a l'è on tram monodirezional a pianal rialzaa faa de la Tatra doperaa a Bratislava, Košice, Praga, Sofia, Brno e Ostrava. A l'è staa pensaa 'me successor del Tatra T3. Consegnaa per la prima voeulta in del 1991 a Bratislava, a l'è popolarmemt ciamaa "ferr de stir" per la soa forma che 'l regorda el ferr.
Storia
[Modifega | modifica 'l sorgent]Intorna ai agn '80 i gestor di red di tram de l'Est Europa han domandaa di mezz noeuv, pussee fazil e men costos de mettègh i man. La Tatra ČKD l'ha scominciaa a lavoràgh sora e hinn sortii i tram de la serie T6. El T6A5 a l'è nassuu per fà on tram de la serie T6 bon de girà in su la pupart di red del blocch oriental, donca capient ma piscininn. L'ultim ordin de T6A5 a l'è staa completaa in del 1998.
Variant
[Modifega | modifica 'l sorgent]El tram a l'è staa faa in pussee version:
- T6A5/I: La version originaria del tram
- T6A5/II: El cambia i finester, el pantograf e i protezion di roeud
- T6A5/III: A l'è renoeuvaa cont ona livrea noeuva, aria condizionada, noeuv sistema de informazion e cadregh noeuv.
- T6A5.3: A l'è on revamping del Tatra T3 faa in d'on esemplar, doperaa mìnga per la soa inaffidabilità
Design
[Modifega | modifica 'l sorgent]La struttura a l'è de azzal squadraa cont di gran finestrin de veder e trè port. I cadregh eren faa, in la prima version, de pell e cont sotta on paviment de gomma faa per scarligà no.
El tram a l'è montaa in su du carrej. I tram se pòden anca coppià: Se i composizion se pòden fà anca con 3 tram, tipicament hinn doperaa du tram. L'è doperaa on unich pantograf che alimenta tucc i tram.
Operator
[Modifega | modifica 'l sorgent]| Stat | Città | Tipo | Ann de la spedizion | Numer | Registrazion |
|---|---|---|---|---|---|
| Cechia | Brno | T6A5/III | 1996 | 20 | 1201–1220 |
| Ostrava | T6A5/I T6A5/II | 1994–1998 | 38 | 1101–1138 | |
| Praga | T6A5/III | 1995–1997 | 150 | 8601–8750 | |
| T6A5.3 | 1998 | 1 | 8600 | ||
| Slovacchia | Bratislava | T6A5/I T6A5/II T6A5/III | 1991–2006 | 58 | 7901-7958 |
| Košice | T6A5/I | 1992–1993 | 30 | 600–629 | |
| Bulgaria | Sofia | T6A5/III | 2016-2017 da Praga | 30 | 4140-4169 |
T6C5
[Modifega | modifica 'l sorgent]
|
Per savenn pussee, varda l'articol Tatra T6C5. |
In di primm agn '90 New Orleans el domanda a la Tatra de fàgh on tram derivaa del Tatra T6A5, ossia el Tatra T6C5. I resultaa a hinn boni ma cont la bancarotta de l'azienda ceca a hinn venduu, in del 2003, a la tranvia de Strausberg, in Germania, indova hinn doperaa incoeu.
Incident
[Modifega | modifica 'l sorgent]El 19 de genar del 2006 a Košice 'na composizion 618+619 la fa on incident cont on camion, la deralia e la s'ceppaa i pal de la catenaria. El 618 a l'è retiraa del servizzi, el 619 a l'è reparaa.
El 1 de settember 2008 el tram 8671 el fa on incident cont on'ambulanza arènt del deposit e l'è retiraa.
El 19 de settember 2012 el set 8697+8698 el se s'centra contra on Škoda 14 T fermo a 'na fermada. El manetta a l'è mort e i tram a hinn staa retiraa.
.jpg)
.jpg)
