Tatra T4

Quest articol chì l'è scrivuu in lombard, grafia milanesa.

Tatra T4
Tram
Tatra T4 a Bucarest
Agn de costruzion	1967-1987
Agn de esercizi	1967-
Quantitaa produxida	3'509
Costruidor	ČKD Tatra
Lungeza	15 200 mm
Largeza	2 200 mm
Alteza	3 063 mm
Capacitaa	20 settaa, 77 in pee
Scartament	Standard, metrich, strecc e largh
Velocitaa massema omologada	65 km/h
Alimentazion	De linia aerea, 600/750 V
Tipolojia de motor	TE 022 B

El Tatra T4 a l'è on tram faa de la ČKD Tatra, evoluzion pussee streccia del Tatra T3 e venduu domà foeura de la Cecoslovacchia.

Storia

In del 1965 la Tatra l'ha vinciuu on appalt de la Germania Est a l'interno del Comecon per dà di tram al paes. I ditt Todesch han daa i sò disegn a la Tatra, che però hinn staa retegnuu no soddisfacent e hinn staa convertii in di prodott arent al Tatra T3.

In tra el 1964 e 'l '67 scomincen i lavorà, e hinn faa su dò tram sènza numer de registrazion e 'n remorcc Tatra B4. El set a l'è poeu mandaa a Dresda.

Variant

T4D

El T4D a l'era desviluppaa per la Germania de l'Est e venduu in tra 'l 1968 e 'l 1986 in 1'766 esemplar. El permetteva de coppià pussee tram e anca di vettur (B4D) per fà di tram pussee longh, ciamaa "Großzug" (treni grand).

Cont la reunificazion la Germania l'ha scominciaa a modernizzà i sò T4D e quej mìnga modernizzaa a hinn staa tolt via del servizzi e venduu in Russia, Serbia, Bulgaria, Corea del Nord e Romania.

A Dresda a hinn doperà di T4D minga modernizzaa per la linia de l'Università Tecnega de Dresda e per i Marcaa de Denedaa.

T4SU

In URSS, come in la DDR, a gh'eren di tramvij che ammetteven 'na larghezza massima de 2.20 m, tropp per el Tatra T3, dònca a l'è staa faa el T4SU, senza remorcc e cont la gabina de guida sarada.

T4R

El T4R, desviluppaa per la Romania, a l'éra sostanzialment compagn de quell sovietich. Incoeu a hinn squasi tucc bandonada, foeura che per quej de Bucarest. In del 1998 la RATB l'ha parpognuu de trasformaj in tram articolaa a dò cass, ma i problema finanziari han permettuu domà 'na trasformazion limitada.

T4YU

El T4YU a l'éra pensaa per la Jugoslavia e l'è staa crompaa a Belgrad e Zagabria.

Belgrad l'ha ricevuu du tram arènt a quej todesch e poeu àlter 20 in stil sovietich. Vuna l'è retornada a Praga che l'ha doperada per i gir turistich. In del 1991 a hinn staa retiraa tucc e incoeu ghe n'è vun donaa de la Germania.

A Zagabria n'hinn staa tolt 95 e 60 hinn ancamò doperaa.

Produzion

	Città	Ann	T4D	B4D	T4SU	T4R	T4YU	B4YU	Total
	Arad	1974–81	-	-	-	100	-	-	100
	Belgrad	1967–72	-	-	-	-	22	-	22
	Brăila	1978	-	-	-	10	-	-	10
	Bucarest	1973–75	-	-	-	131	-	-	131
	Dresda	1967–84	572	250	-	-	-	-	822
	Galați	1978	-	-	-	10	-	-	10
	Halle	1968–86	323	124	-	-	-	-	447
	Iaşi	1978–81	-	-	-	70	-	-	70
	Kaliningrad	1971–79	-	-	223	-	-	-	223
	Leipzig	1968–87	597	273	-	-	-	-	870
	Liepāja	1976–79	-	-	15	-	-	-	15
	Lviv	1972–79	-	-	73	-	-	-	73
	Magdeburg	1967–86	274	142	-	-	-	-	416
	Tallinn	1973–79	-	-	60	-	-	-	60
	Vinnytsia	1971–79	-	-	42	-	-	-	42
	Zagreb	1976–83	-	-	-	-	95	85	180
	Zhytomyr	1977–79	-	-	18	-	-	-	18
		Total	1,766	789	431	321	117	85	3,509

Galleria di foto

• 
  T4D a Leipzig
• 
  Guida del T4D
• 
  T4YU a Zagabria
• 
  T4SU a Kaliningrad
• 
  Tatra T4D a Iași (ex-Halle)
• 
  Tatra T4R a Iași (faa su 1977)
• 
  T4 a Zagabria
• 
  Tatra T4SU
• 
  T4D de Dresda
• 
  Porta de on tram de Zagabria
• 
  Tram 5500 de Praga
• 
  Tatra T4 de Pyongyang
• 
  Tram de addestrament ad Almaty

Riferiment

• Tatra-Straßenbahnen vom Typ T4/B4