Sostanza organica del soeul
La sostanza organica del soeul a l’è on insèma complèss e differént di compòst orgànich, risultàa di procèss de degradiazion, spartizión, risintesi di residuv rilassà in del cors de la vita e dòpo la mòrt di animàj, di vegetàj e di mircroorganismi. [1]
Di valór tipich in di soeul di àrej temperàd hinn: [2]
-1% carbòni orgànich (1,7% se el ven esprèss in tèrmen de sostanza organica) inscì dividùu:
- <5% organismi vivent;
- <10% resìduv organich frèsch;
- 33-50% sostanza che l’è ‘drée a spartìss;
- 33-50% sostànz hùmich (sostanza organica stabilizzada).
Influenzen la presenza de sostanza organica del soeul:
- la profondità in del soeul e la lavorazión del soeul: in di soeul naturàj la sostanza organica la diminuìss quand che se và giò in profondità; in di soeul coltivàa l’è tuttamach de men in profondità ma l’è spantegada in manera omogénua in del strat superficiàl lavoràa. [2]
- la tessidura del soeul: la sostanza organica l’è pussée tanta in di soeul cont i granìtt pussée fin (perché i soeul cont i granìtt pussée fin - creós, littós - gh’hànn denter manch ossìgen, o ben on potenziàl redox pussée bass, quèst che ‘l voeur dì 'na capcacità infeiora de ossidà, donca ‘na possibilità maggiora de mantegnì la sostanza organica. [2]
I procèss pussée important del carbòni organich in del soeul
[Modifega | modifica 'l sorgent]- Mineralizzazion: l'è la trasformazion di compòst orgànich del carbòni, de l’azòto, de fòsforo e del solfer in di form mineràj. Per mèzz de la mineralizzazion i element mineràj hinn liberàa ind la fase lìquida del soeul; [2]
- Immobilizzazion: a l’è el procèss contrari de la mineralizzazion;[2]
- Humificazion: a l’è l’insèma di procèss de natura chimica, biochimica e microbiologica fàa di microorganismi. Per quèj procèss chì se foeumen i sostanz hùmich ch ‘a hinn di sostanz orgànich de natura aromatica e pòlifenòlica molto stàbil e diffìcil de vèss mineràlizzàa. [2]
Temp per la mineralizzazion (emivita di frazión principàj de la materia orgànica)
[Modifega | modifica 'l sorgent]| Temp | Frazion de la materia organica |
|---|---|
| 60 dì | Resìduv orgànich fàcil de vèss degradàa (sacher, proteinn…) |
| 600 dì | Sostanz orgànich di organismi |
| 800 dì | Compòst orgànich che resìsten a la degradazion (lignina) |
| 18000 dì | Sostanza orgànica stabilizzada in manera fisica |
| 2000 dì | Sostanza orgànica stabilizzada in manera chimica (sostànz hùmich) |
Humus
[Modifega | modifica 'l sorgent]I sostànz humic (o humus) hinn quèj ottegnùu cont el procèss de l’humificazion; infra i sostànz humic gh’è: [4]
- i àcid humich (insolùbil a pH<2) e hinn idròfìj [4]
- i àcid fùlvich (solùbil per qualunque pH) e hinn idròfob; [4]
L’humus, de già che ‘l gh’hà denter i àcid, vista la presenza di grùpp ossidrìl OH- e carbossìl COOH- (humich e fulvich) el contribùiss a fa vegnì pussée àcid el terrén. De sora maròss l’humus el gh’hà ona alta capacità de scambi catiònich >500mol/kg e donca ona maggiora fertilità. [4]
|
Per savenn pussee, varda l'articol Humus. |
Biomass micròbica
[Modifega | modifica 'l sorgent]La biomass micròbica l’è l’insèma di microorganismi de grandèzza pussée piscinina de 5•103 micron e ‘l sò conmtegnùu de carbòni orgànich e de azòto orgànich el pò vèss determinàa cont el mètod de la fumigazión/estrazión del Jeckinson (1988). [5]
Fattor che influenzen la quantità de biomassa micròbica
[Modifega | modifica 'l sorgent]I fattór che influénzen la quantità de biomassa micròbica hinn: [5]
- el pH;
- el potenziàl redox;
- el contegnùu de carbòni orgànich.
La biomassa micròbica l’è classificada segond i sorgént doprà per el metabolismo:
- fotòtrof (doperen l’energia luminosa)
- chemiòtrof (doperen l’energia chimica)
- fòtolitòtrof (doperen per la fotosintesi on donatór de elettrón mineràl).
- fòtochemiòtrofi (doperen per la fotosintesi on donatór de elettrón orgànich).
I batteri hinn assosènn important perchè degràden la sostanza orgànica frèsca e ‘na quàj vòlta anca quèlla stabilizzada (sostanza hùmic), o ben fànn el mestée de la mineralizzazion, che l’è el procèss che ‘l mètt a disposizión i mineràj ‘me nutriént.
El lavorà di enzima
[Modifega | modifica 'l sorgent]La degradiazion la pò succèd anca al defoeura di batteri grazie ai enzima che lor prodùsen. I enzima hinn di catalizzador di reazión chimich che ménen a la degradazión. [6]
I ezima pòden vèss: [7]
- associàa a di cèllul prolificant (quèj in del citoplasma, quèj in del periplasma, quèj in su la pared cellular);
- associàa a di cèllul nò prolificant (spòr, cisti e somènz di piant);
- associàa a di component del soeul (sostanz hùmich, mineràj creós; òssid e idròssid de fèr e de alumini.)
- rilassàa ind la fase liquida adrée a la lisi cellulàr.
I enzima de sti ùltim dò categurìj chì fànn el sò lavorà al de foeura de la cèllula e vegnen classificàa in idrolasa e òssido-redottasa. Infra i idrolàs gh’è l’amilasa, la cellulasa, la proteasa, la fosfatasa, la solfatasa, l’ureasa. Infra i òssidoreduttàs gh’è la desidrogenasa, la laccasa, la perossidasa. [7]
I enzima hinn tràa denter in di procèss de: [7]
- degradiazion di resìduv orgànich;
- cicli di elemént nutriént;
- humificazion di sostanz orgànich;
- procèss de detòssificazion del soeul.
Proprietà e funzion agronòmich e ambientaj de la sostanza organica e di sostanz humich
[Modifega | modifica 'l sorgent]- Riscaldament del terrén: l’humus l’è de colór scur, e 'l gh'hà donca on albedo alt; per quèst el favorìss el riscaldament del terrén che l’aumenta con l’esposiziٙón del versànt. [8]
- Capacità de trattegnì l’acqua: l’humus el prevén la siccità perché el gh’hà ‘na ritenuda idrica fin a 20 vòlt el sò pes. [8]
- Capacità de scambi catiònich: l’humus el contribuìss a la CSC soratùtt quèlla di terrén pòver de tèrra crea. [8]
- Podè tampon del terrén. [8]
- Solubilità limitada: prevenzión de la lessiviazion. [8]
- Interazion cont i mineràj: la favorìss la formazión di compòst stàbil, la migliora la struttura, la permeabilità el drenagg e i scambi de gas; [8]
- Risèrva de element nutriént: la rilassa manemàn in del cors del temp i element nutriént de manera de favorì la nutrizión[8]
- Formazión de complèss e chelàa. el condiziona la biodisponibilità de micro-elemént metàllich e di metàj psant che pòden vèss tòssich[8]
- Interazion cont i farmaci agrari: el ne condiziona l’attività, la degradazion e la persistenza in del soeul con di conseguenz in sui criteri segond i quàj sti chì gh’hànn de vèss dàa ai piant e in sò dòsi.
- Interazion cont i enzima: el favorìss la formazion di complèss cont i enzima e de conseguenza la fertilità del soeul. [8]
Digeribilità
[Modifega | modifica 'l sorgent]La determinazion di element de la sostanza organica l’è minga importanta per la fertilità del soeul. Quèll che ‘l cunta l’è se la piantà l’è bona de surbìj su e poeu digerìj La capacità de la pianta de surbìj la dipend del pH, de la capacità de scambi catiònich, de la specie vegetàl, de la forma chimica (per esempi i formi organich e hinn surbìbil domà dopo de la mineralizzazion. [9]
Vos correlad
[Modifega | modifica 'l sorgent]- Vocazion ambiental di piant
- Humus
- Ingrassadura
- Capacità de scambi catiònich
- Mineralizzazion
- Proprietà chimich de terren
- Proprietà fisich del terrén
Riferiment
[Modifega | modifica 'l sorgent]- ↑ Silviero Sansavini, Guglielmo Costa, Riccardo Gucci, Paolo Inglese, Angelo Ramina, Cristos Xiloyannis (2014). Arboricoltura generale (in italian). Patron Editore, 453-454. ISBN 978-88-555-3189-4.
- ↑ 2,0 2,1 2,2 2,3 2,4 2,5 Silviero Sansavini, Guglielmo Costa, Riccardo Gucci, Paolo Inglese, Angelo Ramina, Cristos Xiloyannis (2014). Arboricoltura generale (in italian). Patron Editore, 454. ISBN 978-88-555-3189-4.
- ↑ Silviero Sansavini, Guglielmo Costa, Riccardo Gucci, Paolo Inglese, Angelo Ramina, Cristos Xiloyannis (2014). Arboricoltura generale (in italian). Patron Editore, 455. ISBN 978-88-555-3189-4.
- ↑ 4,0 4,1 4,2 4,3 Silviero Sansavini, Guglielmo Costa, Riccardo Gucci, Paolo Inglese, Angelo Ramina, Cristos Xiloyannis (2014). Arboricoltura generale (in italian). Patron Editore, 455. ISBN 978-88-555-3189-4.
- ↑ 5,0 5,1 Silviero Sansavini, Guglielmo Costa, Riccardo Gucci, Paolo Inglese, Angelo Ramina, Cristos Xiloyannis (2014). Arboricoltura generale (in italian). Patron Editore, 456. ISBN 978-88-555-3189-4.
- ↑ Silviero Sansavini, Guglielmo Costa, Riccardo Gucci, Paolo Inglese, Angelo Ramina, Cristos Xiloyannis (2014). Arboricoltura generale (in italian). Patron Editore, 456. ISBN 978-88-555-3189-4.
- ↑ 7,0 7,1 7,2 Silviero Sansavini, Guglielmo Costa, Riccardo Gucci, Paolo Inglese, Angelo Ramina, Cristos Xiloyannis (2014). Arboricoltura generale (in italian). Patron Editore, 457. ISBN 978-88-555-3189-4.
- ↑ 8,0 8,1 8,2 8,3 8,4 8,5 8,6 8,7 8,8 Silviero Sansavini, Guglielmo Costa, Riccardo Gucci, Paolo Inglese, Angelo Ramina, Cristos Xiloyannis (2014). Arboricoltura generale (in italian). Patron Editore, 455. ISBN 978-88-555-3189-4.
- ↑ Silviero Sansavini, Guglielmo Costa, Riccardo Gucci, Paolo Inglese, Angelo Ramina, Cristos Xiloyannis (2014). Arboricoltura generale (in italian). Patron Editore, 457-458. ISBN 978-88-555-3189-4.