Monguzz
|
Quel articul chì l'è scrivüü in Lumbard ucidental, cun l'urtugrafia ünificada. |
| Monguzz | |
|---|---|
 | |
 | |
 | |
| Stat | Itàlia |
| Regiun | Lombardia |
| Pruvincia | Còmm |
| Cuurdinade | 9°13′53″ E 45°46′52″ N Vedè sü la mapa |
| Abitant | 2 302 ab. |
| Superfiss | 3,7 km² |
| Densità | 622 ab/km² |
| Altitüden | 320 m s.l.m. |
| Cumün tacaa | Vila, Alseri, Anzan, Erba, Luragh d'Erba, Meròn |
| CAP | IT-22040 |
| Còdes ISTAT | 013153 |
| Prefiss tel. | 031 |
Monguzz (nom ufizial in italian: Monguzzo in Italian) l'è ün cumün de la Provincia de Còmm de 2 302 abitant (dato del Dicember 2015[1]), cont ona süperfis de 3,7 km² e ona densità de 622 ab./km².
Part del sò teritori cumünàal se troeuva in del "Parch Regiunàal de la Val del Lamber".
Il Cumün in generàal[Modifega | mudìfica 'l sorgènt]
Mongòzz se truva sü'na culina ai pè d'ün castel feudàal, che incoeu l'hann in man i fràa di "Fatebenefratelli"; l'è pusibil vardal dedént dumàa la segunda dumenega de setember.
In del paes gh'hinn du gesi: la gesa di Sant Biàas e Sebastiàn (via Chiesa) e'l Santuari de la Madùna de Lourdes (via Santuario), che tücc dùu hinn stàa metüdi a post in di ültim temp.
I part del Cumün[Modifega | mudìfica 'l sorgènt]
Se poeu divider il cumün in trè part principai:
- Monguzz, che, cumè l'è stàa giamò dit, se troeuva sü la culina;
- Nòbil o Nòber (nom ufizial in italian: Nobile in italiàn), che l'è ai pè de la culina, in de la part urientàal del cumün; in di temp indree Nobil l'era cugniusüda in tutta la Brianza per i sò piant di persich, tant che i sò abitant i veniven ciamàa Persegatt;
- Pogg Cavòlt (nom ufizial in italian: Poggio Cavolto in italiàn), zona residenziàal che la s'è svilüpada in di ann Setanta e che l'è in de la part meridiunala de la culina, visìn al cunfìn cunt Luràgh.
A Monguzz gh'hinn anca ün frach de cassini metüdi a post e cunt tücc intur noeuvi casètt; quij pussee impurtant sun i cassini Noeuva, Sulferìn, Bindèla, Enrichèta (ciamada anca el "Cassinùn") e Bassètt.
Evoluzion demografega[Modifega | mudìfica 'l sorgènt]
L'andament del numer de abitant del comun de Monguzz l'è mustraa in de la tabela chi de sota
Abitant censüü
Riferiment[Modifega | mudìfica 'l sorgènt]
- ↑ Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.