Lamber

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.


La surgent del Lamber
Ul Lambar a Albiaa
Ul Lamber a Munscia
Ul Lamber al fenés in del a Curt Sant'Andrea fraziun de Sèna

El Lamber (anca Lambar, Lambru, Lambor; in Italian Lambro; in Latin Lambrus) a l'è un fiüm de la Lumbardia ucidental, aflüent de manzina del ; l'è lungh 130 km.

El nass de suravia del Ghisall, dal munt San Prim, e al percor tüta la Val Assina passandu per Canz e Ass; cume 'l vegn föra di muntagn, el se trà dent in del Lagh de Püsian, dopu de che 'l cur per la Brianza fina a Munza.

Propi a Munza el se spartiss in dü bruchet: el Lamber propi (quel del Punt di leun) e 'l Lambret, che l'han faa fà i Viscunt in del secul XIV per resun de difesa.

Al següta la sò cursa inver süd, e 'l passa arent a Milan (quarter de Lambraa); dopu 'vègh traversaa la pruvincia de Lod el se svöja in del Po, 10 km a val de San Culumban.

Cumün traversaa del Lamber[Modifega | modifica 'l sorgent]

Pruvincia de Com[Modifega | modifica 'l sorgent]

Civena, Magrej, Barni, Lasnigh, Ass, Canz, Caslin, Castel Mart, Punt Lamber, Erba, Merun, Lambrügh, Inverün.

Pruvincia de Lech[Modifega | modifica 'l sorgent]

Costa Masnaga, Nibion

Pruvincia de Munscia e Brianza[Modifega | modifica 'l sorgent]

Briusch, Giüssan, Veran, Caraa, Triügg, Albiaa, Suvich, Lesmu, Machee, Biasson, Arcur, La Santa, Munscia, Brüghee.

Pruvincia de Milan[Modifega | modifica 'l sorgent]

Sest San Giuvan, Culogn, Milan, Pes'cera Burumee, San Dunaa, San Giülian, Medija, Meregnan, Vizzö, Cer, San Zenun, San Culumban.

Pruvincia de Lod[Modifega | modifica 'l sorgent]

Saliran, Casalet, Lod Vegg, Burgh San Giuvan, Castiraga, Sant'Angel, Vilanöva, Grafignana, Burghet, Livraga, Vori, Sèna.

Pruvincia de Pavia[Modifega | modifica 'l sorgent]

Chignö.