Cornaa

De Wikipedia
Va a: navegá, truvá



Lumbard ucidental Quest articol chì l'è scrivuu in lombard, grafia milanesa.


Cornaa
Cornate d'Adda-Stemma.png
Adda fiume centrale elettrica.jpg
Map of region of Lombardy, Italy - grey.svg
Stat Itàlia
Regiun Lombardia
Pruvincia Monza e Brianza
Cuurdinade 9°28′06″ E
45°38′33″ N
Vedè sü la mapa
Abitant 10 648 ab.
Superfiss 13,7 km²
Densità 777 ab/km²
Altitüden 236 m s.l.m.
Cumün tacaa Paderno (LC), Medolagh (BG), Verdee de Sora (LC), Verdee de Sott (LC), Suis (BG), Sulbiaa, Bottanugh (BG), Mezzagh, Trezz, Busnagh
CAP IT-20040
Còdes ISTAT 108053
Prefiss tel. 02



Cornaa (nom ufizial in italian: Cornate d'Adda; in del Medioev se ciamava Coronate) l'è on comun brianzoeu del Vimercates, in sul fiumm Adda, che 'l cunta 10 648 abitant (dato del Dicember 2015[1]), cont ona süperfis de 13,7 km² e ona densità de 777 ab./km².

El se troeuva in la Provincia de Monza e Brianza, arent al confin cont i provincc de Milan (Busnagh), de Bergom (Bottanugh, Suis e Medolagh), de Lecch (Verdee de Sotta e de Sora e Paderno).
Cornaa el gh'ha tre frazion, ciamaa Colnagh, Port e Villa Paradis. Inoltra a gh'è on fracch de cassinn in de la zona.

Storia[Mudifega | mudìfica 'l sorgènt]

La zonna l'è abitada de on bell poo de temp, almanch de l'epoca di Roman: a Villa Paradis l'è stada trovada ona veggia villa romana, menter che a la Rocchetta de Port hann cattaa foeura i rest de ona cisterna.
El paes el gh'ha 'vuu ona soa importanza perchè l'è staa chì arent che in del 689 l'è stada combattuda la Battaja de Cornaa (Coronate in latin): in questa, s'hinn combattuu el re di Longobard Cunipert e 'l sò nemis, el duca de Trent Alahis. La vittoria l'è stada del Cunipert, menter che l'Alahis l'è s'cioppaa in del combatt. El resultaa de la battaja l'ha portaa la fin di revolt di duca longobard e l'ha dervii la strada a la conversion a la religion cattoliga de tutta la nazion germaniga (ghe n'era anmò tanti che eren arian, scismatigh o pagan).

In del XVIII secol gh'hann faa i lavorà per el Navili de Paderna; in quella istessa zonna, in di secol che hinn vegnuu dopo, hann faa sù on bell poo de centrai idroelettregh, che fonzionen anca al dì d'incoeu.

Evoluzion demografega[Mudifega | mudìfica 'l sorgènt]

L'andament del nümer de abitant del cumün de Cornaa l'è mustraa in de la tabela chi de sutta



Abitàncc censìcc

Riferiment[Mudifega | mudìfica 'l sorgènt]

  1. Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.