Port (Cornaa)
Port (Porto d'Adda) l'è ona frazion del comun brianzoeu de Cornaa, in de la Provincia de Monscia.
El paes el se troeuva a nord-est del centro comunal, arent al fiumm e al Navili de Paderno. A l'è spartii in duu tocch, cioè Port de Bass e Port de Sora.
El se ciama inscì perchè, fina a quand hann minga faa sù el Navili (in del Settcent), a l'era proppi on port, perchè l'era lì che i robb vegniven de noeuv mittuu in sui barcon dopo vess passaa a pee tra Brivi e Port: de fatt in quella zona l'è impossibil passà per l'Adda con di barcon, perchè l'è streggia e piena de scoeuj.
L'è staa on comun indipendent infina al 1870: al temp di piev el partegniva a la Piev de Pontiroeu.