Arianesim

De Wikipedia
Lombard Quell articol qì l'è scrivud in Lombard, cond l'ortografia Scriver Lombard.
Ol batez del Crist ind el batister arian de Ravena

L'arianesim l'è stait un important moviment ereteg, nassid ind el IV secol d.C. in Orient, e spantegads anc'pò in Ocident ind la segonda metaa del medem secol. Al g'ha havud una granda difusion sovertœt intra i popolazion jermanege.

Dotrina[Modifega | modifica 'l sorgent]

Segond l'arianesim ol Crist al saress mìa ol real Fiœl del Signor, ma adoma la plœ granda di so creature, e donca cond una natura diversa e una autoritaa inferior.

Storia[Modifega | modifica 'l sorgent]

Ol nom al vegn dal so fondador, Ario (256-336), un prevost de Lissandria d'Ejit. L'è stait jœdicada eretiga dal prim Concili de Nicea del 325. La radicalitaa di afermazion anti-ariane i ha però portad di oltre discussion ind la cristianitaa, e donca l'imperator Costanz II l'ha convocad di olter concili, qe i ha ciapad di decision plœ moderade. Ind el mentre l'arianesim al perdiva vitalitaa in Ocident, ma al restava fort in Orient.

La fin de l'arianesim ind el Impero Roman al riverà adoma con l'imperador Teodosi I, qe l'ha convocad ol prim Concili de Costantinopoli (381). I resterà adoma di picole comunitaa qe i riverà a cambiar anc'pò ol rito del batesim.

Ind el mentre però, grazie al predicar del vescov got Ulfila, tants popoi jermaneg i s'era convertids dal paganesim al cristianesim arian, e qesta diferenza la sarà vun di problemi de l'integrazion coi romaneg dopo i invasion barbarege. Adoma intra ol VI e l'VII secol, un poo a la volta, ga sarà anc'pò la so conversion al catolicesim, e l'arianesim al scomparirà.

Riferiments[Modifega | modifica 'l sorgent]