Civilization IV

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Civilization4 02-50-02 .png

El Civilization IV l'è on videogioeugh stategich a turn, de la serie Civilization del Sid Meier, desviluppaa fal Soren Johnson, sotta la direzzion del Sid Meier.

L'è sortii foeura in tra el 25 de otober e el 4 de november del 2005 per el Windows e in del 30 de giugn del 2006 per el Mac.

In del gioeugh, l'utent el gh'ha de fà su on Imper, a partì de l'ann 4000 a.C. e a rivà in de l'ann 2050. Gh'è la guerra, ma anca di element culturaj, economegh e de diplomazia.

La colonna sonora, Baba Yetu del Christopher Tin, l'ha avuu success internazional.

Informazzion[Modifega | mudìfica 'l sorgènt]

'Me l'è che se veng[Modifega | mudìfica 'l sorgènt]

In Civilization IV i condizion de vittoria hinn:

  • Conquistà tucc i nazion
  • Elezion diplomatega ONU
  • Controll de la pupart del mond
  • Vess el primm ad andà in su la stella Alfa Centauri
  • Avèggh el nivell de coltura leggendari in almanch trè cittàa.

Se a la fin del gioeugh nissun ha vengiuu inscì, el vengg quell cont el pontegg pussee volt.

Roba noeuva[Modifega | mudìfica 'l sorgènt]

In confront al Civilization III, el quatter el gh'ha:

  • I Grand Personagg che consenten de avegh di bonus, di tecnologii e via inscì.
  • On noeuv sistema de governo del Imper e di cittàa.
  • L'IA l'è pussee brava e la gh'ha manch bonus di quell che 'l gioga.
  • Noeuv opzion de diplomazia, me l'embargh, i lianz e el regal di unità.
  • L'ONU la fa anca i risoluzion.
  • El sistema de combattiment l'è staa cambiaa, e gh'hinn di bonus de combattiment
  • Gh'hinn 31 risors da scambià
  • Se in d'ona cittàa on progett a l'è fermaa, el pò vess riprenduu despoeu.
  • El doppiator de la version inglesa l'è el Leonard Nimoy, e i unità parlen la propria lengua mader.

Civiltà[Modifega | mudìfica 'l sorgènt]

De bas, el Civilization IV el gh'ha i civiltà:

I espansion gionten di civiltà.

Meccanism[Modifega | mudìfica 'l sorgènt]

Diplomazia[Modifega | mudìfica 'l sorgènt]

Per la diplomazia a gh'è la possibilità de fà di lianz e di trattaa, deciarà la guerra o coalizzàss.

Gh'è anca la possibilità de fà di cadò ai alter civiltà.

I Nazion Unii pòden approvà di resoluzion globai, per bandì i armi nuclear per esempi.

Combattiment[Modifega | mudìfica 'l sorgènt]

I unità, a differenza di alter version, i gh'ha 'na forza unica de combattiment inveci de vuna de attacch e vuna de defesa. Se fann di particolar azion pòden ciappà di promozion, specifich per tipo, e ghe n'è 41.

Produzion e commercc[Modifega | mudìfica 'l sorgènt]

Gh'è 31 resors de commercià che pòden vess venduu, prestaa e doperaa. Servissen per prodù di particolar unità o per di particolar palazz o per generà felicità.

I città in sul midemm fium o mar a hinn automaticament conligaa in tra de lor.

Città[Modifega | mudìfica 'l sorgènt]

I città pòden paralizzàs se gh'è di situazion de guerra o de crisi. Ogni città la gh'ha access a di resors, che ghe dann felicità o di unità/edifizzi.

I città pòden vess conquistaa in guerra ma di voeult se ribellen per influenza colturala finna a unìss a 'n alter Imperi.

Religion[Modifega | mudìfica 'l sorgènt]

Civilization IV el mett i religion precis e minga 'me concett generich. A gh'è el Buddism, el Confucianesim, el Taoism, el Cristianesim, el Giudaism e l'Induism.

I religion, che pòden vess deciaraa de Stat per avègh di bonus, a hinn fondaa cont el descovrì de 'na tecnologia specifica.

A l'è possibil spantegà 'na religion cont on Monastee e i sò Missionari e doperànn i benefici cont on Tempi

La città indova che la nass 'na religion la deventa Città Santa, cont di vantagg.

Mod[Modifega | mudìfica 'l sorgènt]

Civilization IV l'è la version de Civilization pussee facil da modificà, vist che bona part del gioeugh l'è scrivuda in Python, lenguagg de programazion assee fazil. El gioegh el gh'ha denter di mod giamò integraa, quej che i desviluppador troeuven pussee bell o interessant.

Espansion[Modifega | mudìfica 'l sorgènt]

Vos corelaa[Modifega | mudìfica 'l sorgènt]