Lisabetta I d'Inghilterra

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
Quentyn Mestys el Gioven, Litratt de Lisabetta I, 1583.

La Lisabetta I Tudor (Greenwich, 7 de settember del 1533 - Richmond upon Thames, 24 de marz del 1603) l'è stada regina de Inghilterra, del 17 de november del 1558 fina a la soa mort.
Tosa del re Enrigh VIII e de l'Anna Bolena, l'è stada l'ultema monarca de la fameja Tudor. El sò regn l'è staa pien pienent de event bei important: l'ha favorii la noeuva Gesa de Inghilterra, l'ha battuu la Spagna per el domini del mar e l'ha miss in pè la colonizazzion inglesa de l'America del nord.
El sò a l'è staa anca on period de fioridura artistega e coltural: sotta el sò regn hann vivuu e scrivuu scrittor 'me William Shakespeare, Christopher Marlowe, Ben Jonson, Edmund Spenser e Francesch Bacon.
La s'è mai sposada, e per 'sta reson l'hann ciamada anca la regina Vergina. Dopo de lee l'è deventaa re el Giacom I Stuart.