Civilization IV: Beyond the Sword

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

Civilization IV: Beyond the Sword a l'è la segonda e ultima espansion de Civilization IV. Comè da nomm, che in ingles el voeur dì "oltra de la spada", la gionta di element pussee per rivà a la vittoria che hinn no ligaa a la guerra. A hinn giontaa anca 10 noeuv civiltà e 16 leader.

Giont[Mudifega | mudìfica 'l sorgènt]

Corporazion[Mudifega | mudìfica 'l sorgènt]

BTS el gionta i corporazion, ossia di sociazion economich che se spanteghen 'me i religion e dann di benefit economich e di resors. Per fàj su a l'è necessari doperà on grand personagg, e se pòden bloccà cont el Mercantilism (domà quej forestee) o cont la Proprietà Statala (tucc).

Spionagg[Mudifega | mudìfica 'l sorgènt]

El spionagg, element important di alter Civilization, a l'è staa giontaa in questa edizion. El spionagg a l'è sia automatich, cont di pontegg che poeu menen a di vantagg o a man cont di spij che se manden in territori forestee.

Cont ona Granda Spia se pò fà su el Scotland Yard.

Event random[Mudifega | mudìfica 'l sorgènt]

A hinn giontaa i event random che fann guadagnà o perd danee ai giugador, destrughen element o dann di mission de fà.

Avvio avanzaa[Mudifega | mudìfica 'l sorgènt]

A l'è possibil fà partì 'na partida pussee innanz in del temp e crompà poeu i città e i unità.

Vittoria spaziala[Mudifega | mudìfica 'l sorgènt]

Per vincc cont el spazi a l'è necessari rivà ad Alpha Centauri, no domà partì. A l'è donca possibil fà di navett che sgoren pussee a la svelta de quej avversari.

Palazz apostolich[Mudifega | mudìfica 'l sorgènt]

Per l'epoca antiga el Palazz Apostolich el sostituiss l'ONU per quej che partegnen a 'na determinada religion.

Design[Mudifega | mudìfica 'l sorgènt]

I palazz e i unità i gh'ha on disegn different de region a region.

Mod[Mudifega | mudìfica 'l sorgènt]

El gioeugh el sortiss cont 11 scenari, tucc valutaa ben foeura che per Final Frontier, mod spaziala. L'ha avuu reguard special la mod de la comunità Rhye's and Fall of Civilization , che la vedeva proppi i civiltà partì de la soa nassita real. A bon cunt la bona moddabilità del gioeugh l'ha menaa ad on mugg de mod desviluppaa.

Vos correlaa[Mudifega | mudìfica 'l sorgènt]