Pagina principala

Benrivad in su la Wikipedia in lengua lombarda L'enciclopedia libera che tucc poden dà una man a scriver con 74 108 vos Acess segur Version standard Varda l'indes   Varda la Guida esenziala   Pagina principala in Scriver Lombard   Dervì un cunt   Wikisource in Lombard   Wikizzionari in Lombard

Vos in vedrina El pH a l’è ‘na grandèzza fisica che l’indica l'acidità (oppur la basicità) de on gas e de on liquid. El sìmbol "pH" a l’è staa inventà in del 1909 del chimich danés Søren Sørensen Il tèrmen p (operadór) a l’è el sìmbol de dò operazion matemàtich in su l’attività del cation ossòni in soluzion acquosa: a se fa innanz el logaritm in base 10 de l'attività e poeu a ghe se mètt el sègn men denanz. Per i proprietà di logaritm, a s'ottèn el medésim risultàa anca cont el calcolà el logaritm del reciproch de de l’attività di ion ossòni. Donca a se definiss inscì: $pH=-\log _{10}a_{H^{+}}=\log _{10}{\frac {1}{a_{H^{+}}}}$ indoe aH+ la rappresenta l'attività di catión ossóni. L'attività di ión ossòni a l’è ‘na grandèzza senza unitàa de misura, defàtt a l’è definibil inscì in tèrmen de concentrazion molar di ion ossòni: ) $a_{H^{+}}=\gamma {\frac {[H_{3}O^{+}]}{C_{H^{+}}^{0}}}$ ‘doe $[H_{3}O^{+}]$ a l’è la concentrazion molar di catión ossòni, $C_{H^{+}}^{0}$ l'è la concentrazion molar unitaria (misa dent domà per fa de manera che l’argoment del logaritm el sia senza unitaa de misura) e $\gamma$ a l’è el coefficient molar de attivitaa, on parametro senza unitàa de misura che ‘l misura i deviazion de la condizion ideàl caosàd soratùtt di interazion elèttrostatich intrai ion in soluzion. El coefficient de attività el tend a l'unità (e donca l'attivitàa la se vesina a la concentrazión molar di cation ossòni) per di soluzion acquos slongàd assée (≤ 0,1 mol/dm³). In quèj condizion chì, l'equazion de prima la pò vèss semplificada inscì: $pH=-\log _{10}{\frac {\left[H_{3}O^{+}\right]}{C_{H^{+}}^{0}}}=\log _{10}{\frac {C_{H^{+}}^{0}}{\left[H_{3}O^{+}\right]}}$ Ancabén el sia minga giust del ponto de vista matematich, a l’è d’usanza, per resón de curtèzza, de tralassà l’indicazion de la concentrazion unitaria ind l’argoment del logaritm (ma cont el suppònn comunque la soa presenza) e scriv el pH domà in quèlla manera chì: $pH=-\log _{10}[H_{3}O^{+}]$ De convenzión, el pH di soluzion acquos l’assumm di valór infra 0 (acidità màssima) e 14 (basicità massima). La condizion de neutralità la corrispónd al valór de mèzz, 7, tipich de l'acqua pura a 25 °C. El pH el poò vèss misuràa per via elèttrica, cont el sfruttà el potenziàl creàa de la differenza de concentrazion de ion idrògen in su i du lati de ‘na membrana de veder (vedée peaccàmeter), oppùr per via chimica, cont el sfruttà la capacità di quaj sostanza (ciamada indicadór) de cambià el sò color in funzion del pH de l'ambient 'ndoe l'è. De nòrma, chi sostanz chì hinn doperàd in soluzion, compagn per esempi de la fenòlftaleina e ‘l bloeu de bromotimòl. Despèss i indicadór vegnen doperàa anca sora di band de carta ( i inscì ciamàd "cartinn indicadór universàl"), che cambien el sò colór quand che vegnen pocciàa denter in di sostanz àcid o basich. L’esempi pussée comun a l’è quèll di " tornasól", de colór roeusa in ambient àcid e azur in ambient alcalin. (Innanz) Te 'l savevet che ... La Madonina La Madonina (AFI: [maˌduˈniːna], ) a l'è una statua in ram dor che la representa l'assunzion de Maria fada de l'Isep Peregh e che del 1774 l'è in su la gulia magior del Dom de Milan. Cont el temp l'è deventada un simbol de tuta la cità e l'ha superad anca el so roeull religios, tant che fras compagne de "sota la Madonina" inn doperade per parlà de quell che capita a Milan. Volta 416 cm, la gh'ha 'n alabarda che l'è, in verità, un para-fulmin. In del secol XVIII el Dom el gh'haveva minga i sò gulie e, per volè de l'Isep Pozzbonell, el 26 de luj del 1765 el capitol de la Fabrega del Dom el scerniss de fà su la gulia magior, in su proget del Franzesch Cros. 'Me de ideja che la gh'era del Quatercent, se scerniss de meter su una statua de l'Assonta che la bracia su la cità, 'me a benedìlla: a l'è scernuda l'oeuvera de l'Isep Peregh, i che modellit de terracota inn guarnad in del Musee del Dom, alev de l'Elia Vissenz Buzz, l'è fada su in legn inscì de havégh un calch che poeu l'oreves Isep Bin l'ha podud doperà per fàlla, cont un'anema in ferr e cont el foeura fad de ram dor. (Va inanz) In di olter lengov I des Wikipedie con pussee de articoi: Ingles, Cebuan, Todesch, Svedes, Frances, Olandes, Russ, Spagnoeul, Italian, Arab Egizzian Alter lengov minoritari e piscinine: Bass sasson, Nāhuatl, Forlan, Cors, Tibetan, Abcas, Picard, Odmort, Komi, Casciob Un proverbi a cas "Amor de fradei, amor de cortei"

Ocio! La lengua lombarda la gh'ha mia un standard parlad o scrit, donca in su la Wikipedia se doperen pussee de ortografie: l'è consiliad doperàn vuna in tra la la Noeuva Ortografia Lombarda e la Scriver Lombard, ma gh'è anca di grafie locai; per savénn pussee, varda i ortografie acetade. La Wikipedia la garantiss mia i so contegnud e l'è nanca censurada per i fiolin Wikipedia Wikipedia l'è un'enciclopedia libera e portada inanz apena de utent volontari. El so obietiv l'è de menà la cognossenza libera a tucc e in pussee lengov che se po. I nost Cinch Pilaster inn: La Wikipedia l'è 'n enciclopedia e mia un regoeujer de informazzion senza controll La Wikipedia la gh'ha un pont de vista neutral e i informazzion i gh'han de vesser verificabil La Wikipedia l'è libera: tucc poden dà una man a scriver e la gh'ha la licenza dobia CC BY-SA e GDFL La Wikipedia la gh'ha un codes de comportament e tucc i gh'ha de rispetàss La Wikipedia la gh'ha mia di regole fisse foeura di 5 pilaster. Una vos de scriver Fiction Cossa se po fà? Te gh'heet una domanda? vegn in sul Grot Te gh'heet bisogn de 'na man? Varda el Benvegnud Te gh'heet on sit web? Met la Wikipedia in del to sit Lmo-0? Can't speak Lombard? Come to our Embassy