Soeurich
| Soeurich Comun | |||||
|---|---|---|---|---|---|
| |||||
 | |||||
| Dats aministrativ | |||||
| Stat | Itàlia | ||||
| Rejon | Lombardia | ||||
| Provinça | Provincia de Còmm | ||||
| Capolœg | Sorico | ||||
| Politega | |||||
| Sindeg | |||||
| Orgen lejislativ | Consili comunal | ||||
| Territore | |||||
| Coordinade | 46°10′20″N 9°22′53″E / 46.172222°N 9.381389°E | ||||
| OSM | 46979 | ||||
| Voltituden | 201 m s.l.m | ||||
| Superfix | 24,44 km² | ||||
| Abitants | 1 240 ab. (1º genar 2023) | ||||
| Densitaa | 50.74 ab./km² | ||||
| Confin | Gera, Montemezz, Nuvaa, Samolegh, Varsceja e Dübin | ||||
| Fus orari | UTC+01:00 e UTC+02:00 | ||||
| Varie | |||||
| Prefiss | 0344 | ||||
| Codex postal | 22010 | ||||
| Sigla autom. | CO | ||||
| Codex ISTAT | 013216 | ||||
| Codex catastal | I856 | ||||
| Sant protetor | San Steven | ||||
| Cl. climatega | |||||
| Cl. sismega | |||||
| Localizazion | |||||
.svg) | |||||
| Sit istituzional | |||||
Soeurich (nom ufizial in italian: Sorico) l'è on comun de la Provincia de Còmm che 'l gh'ha ona popolazion de 1 246 abitant (dato del Desember 2015[1]), cont ona superfiss de 23,3 km² e ona densità de 53 ab./km².
Geografia
[Modifega | modifica 'l sorgent]Soeurich la se troeuva in scima al Lagh de Còmm, a la fin del fiumm Mera e al confin con la Provincia de Sondri (comun de Dubin, Novaa, Samolach e Verceia). Inoltra el comun (che 'l ciappa el nòmm de on riaa che 'l se ciama inscì) el gh'ha tre frazion, var a dì Albònich, Bugiall e Dasc.
Soerich l'è 'l terz comun pussee grand de la Provincia de Còmm.
Stòria
[Modifega | modifica 'l sorgent]Soeurich, insemma a Gravedòna e Dongh, la faseva part de la Conteja di Tre Piev Superior del Lari. Come member de la lega di Tre Piev la gh'ha avuu el contròll de la banda settentrional del Lagh de Còmm. El titol de piev l'è del 1432, quand che la veggia piev de Olòni, borgh de la fin de l'età antiga situaa in del Pian de Spagna, l'è finida in ruvina per i continov inondazion de l'Adda.
In del 1515 Soeurich l'è staa loeugh de ona battaglia tra i Frances (che al temp dominaven el Ducaa de Milan) e i Grison, che l'ha saccheggiada e brusada. Per quella soa posizion chì de confin tra el ducaa milanes e 'l canton svizzer (che per tanto temp l'ha dominaa tutta la Valtellina), Soeurich l'è stada a longh on sitt de commerz de frontera e on avampòst militar.
In del 1587 el s'è staccaa de la giurisdizion de Soeurich el comun de Gera, e prima del XVII secol anca Piantee (che adess l'è in la provincia de Sondri) l'è andada via de la Piev de Soeurich.
Duranta el XVIII secol e per bòna part del Vòttcent. Soeurich l'ha conossuu on period de decadenza lenta e inesorabil, caratterizzada de la perdida quas total del sostentament agricol, derivaa de la coltivazion del Pian de Spagna. Quella cosa chì l'è dovuda semper ai inondazion de l'Adda. La situazion l'è migliorada domà in del 1858.
In del 1929 Soeurich l'è staa unii a Buggiall, che ancamò l'è ona frazion del comun. In del 1951 el paes l'è staa colpii de l'inondazion del torrent Soeurich.
De vedè
[Modifega | modifica 'l sorgent]- Gesa de San Mir, che la se troeuva in sul còll San Michel, a 300 meter de altezza. La contegn, sòtta l'altar, el còrp del San Mir, oltra che di affresch.
- Fòrt d'Adda, che adess l'è dopraa per us agricoi, l'è ona fortificazion spagnoeula legada al Fòrt de Fuentes situaa a Còlich.
- Palazz Giulin
- Oratòri de San Fedel
- Pont del Pass
Abitant legaa a Soeurich
[Modifega | modifica 'l sorgent]- San Mir
- San Fedel de Còmm, che l'è staa martirizzaa pròppi a Soeurich.
Evoluzion demografega
[Modifega | modifica 'l sorgent]L'andament del numer de abitant del comun de Soeurich l'è mustraa in de la tabela chi de sota
Abitant censud
Riferiment
[Modifega | modifica 'l sorgent]- ↑ Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.