Serie A

De Wikipedia
Jump to navigation Jump to search
Lombard Occidental Quell articol qì l'è scrivud in Lombard, ortografia SL.
Vedrína
Vedrina
Quest articol chì l'è assee ben faa Vedrina
El logo ofiçal de la Serie A
Serie A
Current event clock.svg Edizion atual: Serie A 2019-2020
Serie A Logo (ab 2019).png
Sport:  Folber
Jestor:  LNP Serie A (FIGC)
Lœg:  Italia Italia
Fondazion:  1898 (1929 a giron unig)
Titol:  Campion d'Italia
Devertura:  Agost
Sarada:  Magg
Partecipants:  20 squader (de l'edizion 2004-2005)
Formula:  Jiron a l'italiana A/V
Retrocession in:  Serie B
Detentor:  600px Bianco Nero Juventus.png Juventus
Sit Web:  www.legaseriea.it
Scudetto.svg
Trofee ofiçal

La Serie A, ofiçalment ciamada Serie A TIM in rexon de sponsorizazion (Campionad italian in lombard), l'è el nivell professionisteg pussee volt del folber italian e soa competizion principal (considerada pussee importanta de la Coppa Italia). A l'è jestida de la Lega Nazionale Professionisti Serie A, vun braç de la FIGC.[1]

El vinjidor annual de la competizion ciapa el titol de Campion d'Italia e la possibilitaa de metar el Scudet Tricolor ind la propria maia per la stajon dop; la se qualifica anca ind la Supercoppa italiana. I prim quater squader in classifica se qualifichen ind la UEFA Champions League, e alter duu ind la UEFA Europa League.

La prima edizion del titol l'è staita ind el 1898; la formula de adess cont el jiron unig a l'italiana e cont el nom de Serie A a l'è nassuda inveci ind el 1929, ind i temp del fassism. La squadra cont pussee titoi a l'è la Juventus, qe l'ha vinjud el campionat per 35 vœlte; inscambi l'Inter a l'è la squadra cont pussee presenze ind la Serie A, dejà qe l'ha jugad tuts i so edizion.

A la fin de l'edizion 2018-2019 el campionad italian a l'è a'l terz sit ind el Ranking UEFA, dedree de la Liga spagnœla e la Premier League inglesa.[2]

Storia[Modifega | mudìfica 'l sorgènt]

Foto faita a'l prim campionad italian de domà vun dì a Torin el 8 maj 1898

El prim campionad italian a l'è stait fait ind el 1898. I prim dex agn i g'haveven ancamò un'organizazion amatorial, oltra qe poc interess del publeg. El Genoa in qei agn qì l'ha vinjud tants titoi e l'è staita la prima squadra a vesser Campion d'Italia. La FIGC l'ha organizad de la prima edizion el campionad in autonomia, asca la stajon 1921-1922, indovè qe g'eren duu campionai (qell de la FIGC e qell de la CCI), pœ anc'mò traits insema l'ann dop cont el Compromes Colombo[3].

L'Ambrosiana, vinjidriss del scudet in de la stajon 1929-1930, el prim de l'istituzion de la Serie A

A partir de la stajon 1929-1930 el tornee l'è stait riformad cont la formula del jiron unig a l'italiana Andada/Volta (jiamò sperimentad in de l'edizion 1909-1910), ciapand el nom de Divisione Nazionale Serie A, in seguit sciortad in Serie A, che el tegn anca adess. I Agn 1930, ind i prim stajon del jiron unigh, hinn stait caraterizad dal domini in primis de l'Inter del Giusepp Meazza (ciamada in qei agn lì Ambrosiana e pœ Ambrosiana-Inter), e depress de la Juventus (per cinq agn de infilera) e del Bologna. L'è oltra in qest period qì qe el folber el devegn el sport pussee vedud ind la nazion.

La Tragedia de Superga del 4 de magg 1949, indœ hinn perdud la vida squas tuts i jogadors del Grand Torin

I prim Agn 1940 hinn inscambi stait caraterizai de vun titol per l'Inter, vun per la Roma e a la fin vun per il Torin, evant qe venissent farmai in rexon de la Segonda Guera Mondial. Il campionad l'è stait riprendud a partir de la stajon 1945-1946, con alter quatar titoi de infilera ciapai de la squadra piemontesa, in quela rœusa qe esarà ciamada Grand Torin (finida cont squas tuts i jogadors mort ind la Tragedia de Superga).

El Bologna, vinjidor del scudett 1963-1964, in del unig cas de sparegg-scudett ind la Serie A, jogad contra l'Inter

Depress la tragedia, la Serie A e in jeneral tut el folber italian, asca quai eccezion, hinn stait dominai de trii squader: la Juventus, el Milan e l'Inter. L'egemonia dei «Trii Grand» (inscì iniziai a vess ciamad di jornalista) la finiss in vun moment de palza in de la stajon 1955-1956 quand la Fiorentina la ciapa el prim scudet per la rejon Toscana. Dop el success fiorentin, el Milan e la Juventus se spartissent i posterior scudett. Quest fincora a l'edizion 1962-1963, vinjuda de l'Internazional in del principi de la Granda Inter del president Angelo Moratti e de l'alenador argentin Helenio Herrera. In de la stajon dop, inveci, l'Inter la trœva vun ostacol in del Bologna, e i duu squader arrivent a pari poncc, e cont el sparegg-scudet (unicum ind la storia del jiron unig) la squadra bolognes la ciapa el so settim titol. L'Inter l'ha manera de refass in de l'ann dop (Serie A 1964-1965) cont vœuna grand remontada ai dagn dei contcittadin meneghin. In de la stajon 1965-1966, inveci, l'Inter la ciapa anc'mò vun alter scudett: el dexim qe permett a la squadra de metar ind la propia maia la stela, vott agn depress de la Juventus. Ind la stajon anc'mò dop (Serie A 1966-1967), inveci, anca se al principi l'Inter l'era prima, cont la remontada de la Juventus e l'eliminazion de la squadra ambrosiana de la Coppa Italia e de la Coppa di Campion, la finiss l'era de la Granda Inter.

In del ann sucesiv, inscì, cont la Serie A tornada a 16 partecipants, el folber nazional la finiss nei man del Milan. In del 1968-1969, parò, in rexon dei obietiv internazionai, la pussee franca Fiorentina la ciapa el so segond scudett inscambi dei Casciavit de Milan, inscì coma ind la Serie A 1969-1970, vinjiuda del Cagliari. In de la stajon sucesiva, inveci, anca se el Cagliari el part ben, in rexon de l'infortunio del Gigi Riva la soa stajon l'è compromesa e 'l scudet la va inscambi a l'Inter, in rimonta sul Milan. I scudet sucesiv, inscambi (1971-1972 e 1972-1973), son duu trionf juventin. In del 1974 l'è inveci el turn de la Lazio ciapar el so prim scudet, e in del 1975 anc'mò de la Juventus. In quel sucesiv, parò, el scudett la va inveci ai contcittadin torines, 27 agn depress de la Tragedia. La Serie A 1976-1977 l'è staita vun crapa a crapa in trà el Torin e la Juventus, risultad in fin in vun success bianch e negher. Cont anca el campionad sucessiv in dei man de la Vecia Sciura, in del 1979 l'è inveci el turn del Milan ciapar el sò dexim scudet e inscì la stela.

Edizion in lombard[Modifega | mudìfica 'l sorgènt]

Titoi per squadra[Modifega | mudìfica 'l sorgènt]

El Scudet Tricolor, trofee ofiçal del vingidor de la Serie A

Atualizad a'l 7 de febrar 2020

Squadra Titoi Edizion vinjude
600px Bianco Nero Juventus.png
Juventus
35 1905, 1925-1926, 1930-1931, 1931-1932, 1932-1933, 1933-1934, 1934-1935, 1949-1950, 1951-1952, 1957-1958, 1959-1960, 1960-1961, 1966-1967, 1971-1972, 1972-1973, 1974-1975, 1976-1977, 1977-1978, 1980-1981, 1981-1982, 1983-1984, 1985-1986, 1994-1995, 1996-1997, 1997-1998, 2001-2002, 2002-2003, 2011-2012, 2012-2013, 2013-2014, 2014-2015, 2015-2016, 2016-2017, 2017-2018, 2018-2019
600px Nero e azzurro strisciato con stella.png
Inter
18 1909-1910, 1919-1920, 1929-1930, 1937-1938, 1939-1940, 1952-1953, 1953-1954, 1962-1963, 1964-1965, 1965-1966, 1970-1971, 1979-1980, 1988-1989, 2005-2006, 2006-2007, 2007-2008, 2008-2009, 2009-2010
Bianco e Rosso (Croce) e Rosso e Nero (Strisce).png
Milan
18 1901, 1906, 1907, 1950-1951, 1954-1955, 1956-1957, 1958-1959, 1961-1962, 1967-1968, 1978-1979, 1987-1988, 1991-1992, 1992-1993, 1993-1994, 1995-1996, 1998-1999, 2003-2004, 2010-2011
600px Rosso e Blu con striscia Bianco e croce Rossa su sfondo Bianco.png
Genoa
9 1898, 1899, 1900, 1902, 1903, 1904, 1914-1915, 1922-1923, 1923-1924
600px Bianco con croce sottile Rossa.png
Pro Vercei
7 1908, 1909, 1910-1911, 1911-1912, 1912-1913, 1920-1921, 1921-1922 (CCI)
Rosso e Blu (Strisce) con croce Rosso e Giallo.png
Bologna
7 1924-1925, 1928-1929, 1935-1936, 1936-1937, 1938-1939, 1940-1941, 1963-1964
Flag - Garnet with white bull.svg
Torin
7 1927-1928, 1942-1943, 1945-1946, 1946-1947, 1947-1948, 1948-1949, 1975-1976
600px horizontal bisection HEX-FBB902 HEX-99092C.svg
Roma
3 1941-1942, 1982-1983, 2000-2001
600px Viola con giglio Rosso su sfondo Bianco.png
Fiorentina
2 1955-1956, 1968-1969
Azzurro con N cerchiata.png
Napol
2 1986-1987, 1989-1990
Bianco e Celeste con aquila.svg
Lazio
2 1973-1974, 1999-2000
600px Nero con stella Bianca.svg
Casale
1 1913-1914
600px Celeste Bianco e Celeste (Strisce Orizzontali con croce rossa) svg.png
Noves
1 1921-1922 (FIGC)
Rosso Blu coi 4 mori.png
Cagliari
1 1969-1970
600px Blu e Giallo3.png
Hellas Verona
1 1984-1985
600px Blu Bianco Rosso e Nero (Strisce Orizzontali) con scudo Bianco e Rosso.png
Sampdoria
1 1990-1991

Riferiments[Modifega | mudìfica 'l sorgènt]

  1. (IT) http://www.repubblica.it/2009/04/sport/calcio/lega-si-spacca/lega-si-spacca/lega-si-spacca.html
  2. (IT) https://it.uefa.com/memberassociations/uefarankings/country/#/yr/2019
  3. (IT) https://www.guerinsportivo.it/news/altro/2011/02/19-1138851/il_compromesso_colombo/

Ligam de fœra[Modifega | mudìfica 'l sorgènt]