Gènoa C.&F.C.

De Wikipedia
Va a: navegá, truvá
Chest artícol a l'è scricc in Bergamàsch, ortograféa del Dücat semplificada Lombard oriental


Ol Gènoa Criket & Football Club l'è, 'nsèma a la U.C. Sampdoria, öna di dò squadre de fùbal de Genua.

La storia[Mudifega | mudìfica 'l sorgènt]

La squadra la nas ol 7 de setèmber del 1893 in del cör de la ègia Zèna al nömer 10 de contrada Palèstro 'ndóe i se tróa i sciòr Charles De Grave Sells, S.Green, G.Blake, W.Riley, D.G.Fawcus, Sandys, E.De Thierry, Jonathan Summerhill Senior e Junior, e Charles Alfred Payton. I è töcc inglés e i éra de cà a Zèna per laurà, per lo piö comerciàncc, fò che 'l Charles Alfred Payton che l'éra a Zèna 'l console de la Regina. La squadra la se ciamàa Genoa Cricket and Athletic Club e dóma 'n del 1899 la diènta Gènoa Cricket & Football Club.

Tra la fì del méla e òt (1800) e 'l prensépe del méla e nöf (1900) ol Gènoa l'è öna di squadre piö fórte e de fati 'n vintesich agn 'l vèns per nöf vólte ol Campinàt.

Dòpo chèl periodo ché l'à ensìt öna Còpa Italia in de la sesù 1936/37, l'à zögàt per tace agn in sèrie A e l'è stacc per lo piö öna squadra de mèsa clasiféga, ma l'è anch indacc in B piö ólte e l'è 'ndàcc pò dò ólte 'n sèrie C, in del 1969/70 e in del 2005/06, ma l'è sèmper turnàt in B a la svèlta.

Ol palmarès[Mudifega | mudìfica 'l sorgènt]

Ol Genoa l'à ensìt ol Campiunàt nöf vólte: 1898, 1899, 1900, 1902, 1903, 1904, 1914/15, 1922/23, 1923/24

L'à ensìt pò öna Còpa Italia 'n del 1936/37 dò Còpe di Alpi 'n del 1962 e 'n del 1964 ol Torneo Anglo-Italià 'n del 1995/96 Stèla d’Ór al Merito Sportìf in del 1967 Mèl d’Ór al Merito Sportìf in del 2002

La maglièta[Mudifega | mudìfica 'l sorgènt]

L'è metà de culùr blö e metà de culùr rós e 'l sìmbol de la squadra l'è ü Grifù zalt.

Ol sit[Mudifega | mudìfica 'l sorgènt]

http://www.genoacfc.it/