Macedonia dol Nord

De Wikipedia
(Rimandad de Macedonia del Nord)
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda
Macedonia dol Nord
Северна Македонија
Macedonia dol Nord Северна Македонија - Bandera Macedonia dol Nord Северна Македонија - Stema
North Macedonia Timeless
Macedonia dol Nord Северна Македонија - Localizazion
Daits aministrativ
Nom intreg Republega de la Macedonia dol Nord
Nom ofiçal Република Северна Македонија
Lengue ofiçai macedon, albanes
Capitala Skopje
Politega
Forma de govern Republega parlamentar
Capo de Stat Stevo Pendarovski
Capo de Govern Dimitar Kovačevski
Superfix
Totala 25,71 km² (148º)
% di aque 1.9%
Popolazion
Totala 1,832,696 ab.(2021) (148º)
Densitaa 83.57 ab./km²
Tass de cressida -0,15
Nom di abitants macedon, macedona
Jeografia
Continent Vuropa
Confin Albania, Bulgaria, Cosovo, Grecia, Serbia
Fus orari UTC+1
UTC+2 (ora legala)
Economia
Valuda Dinar macedon
Varie
Codex ISO 3166 MK, MKD, 807
TLD .mk
Prefiss tel. +389
Sigla autom. MK
In nazional Denes nad Makedonija
Evoluzion storega
Proclamazion 25 de setember 1991
Stat de prima
Flag of Yugoslavia (1946-1992).svg
Jugoslavia
Flag of Yugoslavia (1918–1941).svg
Regn di Serb, Croacc e Sloven
 

La Macedonia dol Nord, ofizzialment Republega de la Macedonia dol Nord (in macedon: Република Северна Македонија, transliterad: Republika Severna Makedonija, in albanes: Republika e Maqedonisë së Veriut, fina al 2019 semplizement Republega de Macedonia), l'è on paes de la Vuropa balcanega. La so capital a l'è Skopje.

Fina al 2019 ol paes el se ciamava Republega de Macedonia, senza ol referiment a la geografia, che l'è stad sgiontad domà despoeu d'ona disputa cont la Grecia che la seva contraria al nom ofizzial de la republega vesina parchè la considera ol nom "Macedonia" 'me part de la propia cultura e storia.[1]

Ol paes el ciapa ol nom de la region storega de Macedonia, in de la qual el se situa intregament, insema a la Macedonia Egea (Егејска Македонија in macedon) che l'è al dì d'incoeu ona region de la Grecia, la Macedonia de Pirin (Пиринска Македонија) che la partegn a la Bulgaria, e on quai tochelin di territori de la Serbia, l'Albania e 'l Cosovo. Gh'en di moviment iredentista, 'me quell de Macedonia Unida (Обединета Македонија), che i voeulen ciapà dent tucc i region soramanzonade in d'on Stad pan-macedon cont Salonegh 'me capital.

Simboi[Modifega | modifica 'l sorgent]

La bandera dol Stad (ciamad ofizzialment Знаме нa Северна Македонија)
La vegia bandera, dovrada fina al 1995

I simboi ofizziai de la Republega manzonacc in de la Constituzzion i en la bandera, ol stema e l'inn nazzional.[2] La bandera la rapresenta on sol sgiald cont vot rasg sora on camp ross. Quest simbol chì l'è manzonad in dol inn 'me "ol noeuv sol de la libertaa che'l nass sora la Macedonia".

La bandera adotada al prinzipi, despoeu de la deciarazzion de l'independenza, la rapresentava la stella de la Verghina cont sedes rasg, on simbol de la Macedonia storega. La Grecia però la seva minga d'acordi con l'utilizzà quest simbol chì de part de la Macedonia dol Nord; l'è stad inscì che l'è stada adotada ona bandera diversa in dol 1995 per podé mantegnì i relazzion cont la Grecia e donca cont l'Union Vuropea.

La Macedonia dol Nord la dovra ancamò l'istess stema che la dovrava in di temp de la Jugoslavia. In dol 1992 l'è stada però trada via la stella rossa che l'è de solet considerada on simbol comunista. In de l'istess ann, l'è stad parpognud on noeuv stema cont on leon sgiald in su on camp ross, però la popolazzion la l'acetava minga - per i macedon la seva trop compagna de quell de la Bulgaria, inveci i albanes i se sintiven minga rapresentacc de quell stema là, donca l'è stad mantegnud ol vegg stema.

L'inn nazzional "Денес над Македонија" (Denes nad Makedonija, in lombard "Incoeu in su la Macedonia") l'è stad compognud in dol 1943 de Vlado Maleski (1919-1984) e poeu adotad 'me inn de la republega socialista macedon. In dol 1992, l'istessa canzon, cont on test divers, l'è stada catada foeura 'me inn nazzional de la noeuva republega independenta.

Lengov[Modifega | modifica 'l sorgent]

Segnaletega trilengov (macedon, albanes, ingles) in dol center de Skopje

I lengov ofiziai de la Macedonia dol Nord i en ol macedon (scrivud cont l'abecee cirillegh) e l'albanes, che l'è parlad d'on terz de la popolazzion 'me maderlengua. Ol turch, ol romanì, ol serb, ol bosniegh e l'aromen i en recognossude 'me lengov de minoranza. La Macedonia dol Nord l'è ampò l'unegh paes che'l recognoss ofizzialment la lengua aromena, ancaben che questa la sibia parlada ampò in di oter paes 'me la Grecia e l'Albania.

La comunitaa che la parla albanes l'è concentrada soratut in de la banda nord-ocidentala dol paes, aproeuv ai citaa de Kumanovo, Kicevo e Tetovo.

I lengov de la Macedonia dol Nord (censiment 2002)

La tabella chì de sota la mostra ol numer di parlancc di lengov pussee descorude in dol paes, segond ol censiment dol 2002.

Lengua Parlancc[3]
1. Macedon 1 344 815
2. Albanes 507 989
3. Turch 71 757
4. Romanì 38 528
5. Serb 24 773
6. Oter lengov 19 241
7. Bosniegh 8 560
8. Aromen 6 884

Referimencc[Modifega | modifica 'l sorgent]

  1. Greek Ministry of Foreign Affairs. "FYROM name issue" https://web.archive.org/web/20180113160107/https://www.mfa.gr/en/fyrom-name-issue/
  2. https://www.sobranie.mk/content/Odluki%20USTAV/UstavSRSM.pdf Член 5: Државни симболи на Република Македонија се: грб, знаме и химна.
  3. http://www.stat.gov.mk/Publikacii/knigaX.pdf Drzhaven zavod za statistika (2002)



 
I Stat de l'Europa
LocationEurope.png
Albania | Andora | Armenia2 | Austria | Azerbaigian1 | Belgi | Bielorussia | Bosnia e Erzegovina | Bulgaria | Cechia | Cipro2 | Citaa del Vatican | Croazia | Denimarca | Estonia | Finlandia | Frància | Georgia1 | Germania | Grecia | Irlanda | Islànda | Itàlia | Kazakhstan1 | Letònia | Liechtenstein | Lituània | Lussemburgh | Macedonia del Nord | Malta | Monaco | Moldavia | Montnegher | Norvegia | Paes Bass | Portogall | Polonia | Regn Unii | Romania | Russia1 | San Marin | Serbia | Slovacchia | Slovenia | Spagna | Svezia | Svízzera | Turchia1 | Ucraina | Ongaria
1. Stat parzialment in Asia. 2. Stat in Asia, però considerads part de l'Europa per dei rexon storeg e culturai