President di Stat Unii
| President di Stat Unii | |
|---|---|
| Sigill del President | |
| El President Donald Trump | |
| Stat | Stat Unii |
| Istituii | 4 de marz del 1789 |
| President | Donald Trump |
| Vicepresident | Mike Pence |
| Sed | Cà Bianca |
| Sit web | http://www.whitehouse.gov/ |
El President di Stat Unii (President of the United States o POTUS in ingles) l'è 'l capo de Stat e capo del governo di Stat Unii. L'è elegiuu ogni 4 agn dal Consili Elettoral di Stat Unii, a sò voeulta elegiuu di cittadin. El pò vess elegiuu domà per du mandaa.
I sò roeul hinn daa da la Costituzion di Stat Unii, e 'l gh'ha de esercità el podè esecutiv in del respett de la Costituzion. El pò anca vetà ona legg del Congress di Stat Unii, dà l'indult e la grazia ai condannaa e nominà di fonzionari federal.
Da quand che l'è stada publegada la Costituzion, 42 person han tolt la Presidenza, in 55 mandaa da 4 agn. El Grover Cleveland l'è consideraa sia president quell de 22 che de 24 perchè l'ha faa minga du mandaa consecutiv.
El president d'incoeu l'è 'l Donald Trump, entraa in carega el 20 de genar del 2017.