Canada

Quel articul chì l'è scrivüü in Lumbard, cun l'urtugrafia insübrica ünificada.

Fotu del Satelit

El Cànada a l'é el stat püssé a nord del America del Nord. A l'è el segund paes püssè grand del mund cume estensiun, e l'è spantegaa in d'una tera intra l'Ucean Atlantich, l'Ucean Pacifich e l'Ucean Artich. A l'è tacaa a ovest e a süd cunt i Stat Ünì.
I lenguv püssé parlaa a hinn l'ingles e'l frances, che hinn anca i lenguv ufissiaj. La sua capital a l'é Ottawa (808.391 abitant). Alter cità impurtant a hinn Toronto, Montreal, Vancouver, Calgary, Edmonton, Québec e Winnipeg.
El 75% del popul canades al viv a men de 250 km del cunfin american.

Storia

El Canadà a l'é nassüü cume füsiun de un poo de culoni ingles, anca una quaj de lur a l'era stada una culonia francesa.
El paes l'ha ciapaa l'indipendenza del Regn Ünì cunt un prucess scuminciaa in del 1867 e finii in del 1982. El paes el fa part del Commonwealth e dunca el ricugnuss cume munarca la regina del Regn Ünì Elisabeta II.

Urganizaziun pulitiga e aministraziun

Mapa pulitiga del Canada

El munt Robson

El Canadà a l'é una munarchìa custitüzziunal, federal e parlamentar. La gh'ha dent des pruinc e trì teritòri. I pruinc a hinn püssé autonum di teritòri rispet al guern federal.

El prim minister a l'é el Stephen Harper (del 2006).

Bandera	Pruincia	Capital	Agn che hinn andà dent in de la Cunfederaziun
	Columbia Britànica	Victoria	1871
	Alberta	Edmonton	1905
	Saskatchewan	Regina	1905
	Manitoba	Winnipeg	1870
	Ontario	Toronto	1867
	Québec	Québec	1867
	New Brunswick	Fredericton	1867
	Neuva Scòssia	Halifax	1867
	Ìsola del Princip Eduard	Charlottetown	1873
	Teranöva e Labrador	St. John's	1949
Bandera	Teritori	Capital	Agn che hinn andà dent in de la Cunfederaziun
	Yukon (teritori)	Whitehorse	1898
	Teritòri dël Nòrd-Òvest	Yellowknife	1870
	Nunavut	Iqaluit	1999