Istitut Clinegh de Perfezionament

De Wikipedia
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.

I Istitut Clinegh de Perfezionament eren 'n azienda ospedalera lombarda de rilev nazional specializzaa in del perfezionament di medegh e convenzionaa con l'Università di Studi de Milan e con l'Università di Studi de Milan-Bicocca, in pee del 1905 al 2016.

Storia[Modifega | mudìfica 'l sorgènt]

Fondazion[Modifega | mudìfica 'l sorgènt]

I ICP hinn fondaa in del 1905 del Luigi Mangiagalli e eren specializzaa in di malattij del lavorà e in la ginecologia e la gh'eva dent la Clinica Mangiagalli e la Clinia del Lavorà. In del 1909 a hinn parificaa a l'università.

In del 1915 l'è verda anca la clinica pediatrica e del 1921 al 1923 a hinn taccaa a l'Università de Pavia e del 1923 a hinn sociaa a l'Università di Studi de Milan.

Regionalizzazion[Modifega | mudìfica 'l sorgènt]

Cont el superament del sistema Bismarck e l'istituzion del Servizzi Sanitari Nazional la Region Lombardia, con legg regional, la inseriss in di ICP anca l'Ospedaa Città de Sest San Giovann, in precedenza division de la Cà Granda e, in del 1980, l'Ospedaa Doard Bassini de Cinisell Balsom.

Reforma del Politecnegh[Modifega | mudìfica 'l sorgènt]

In del 2005 el Policlinich de Milan l'è riformaa 'me fondazion e IRCCS e 'l ciappa dent la Clinica Mangiagalli, la Clinica Pediatrica De Marchi, la Clinica del Lavorà Luigi Devoto e di alter edifizzi in del center de Milan. I ICP resten donca 'n presidi local, con dent i dò ospedaa de Sest e de Cinisell, el CTO del Gaitan Pini e l'Ospedaa di Fiolitt Vittore Buzzi e di ambulatori in la zona per fà de red territorial per el Nord Milan.

Trasformazion in ASST[Modifega | mudìfica 'l sorgènt]

Con la riforma de la sanità lombarda del 2015 el CTO el deventa 'na soa ASST e 'l Buzzi l'è taccaa a l'ASST di Frati e del Sacch. I ospedaa de Sest e Cinisell, insemma a la red territorial, deventen la noeuva ASST Nord Milan, che la quatta Bress, Cinisell Balsom, Sest San Giovann, Cologn, Corman e Cusan.

Riferiment[Modifega | mudìfica 'l sorgènt]