Cà Granda

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
La faciada de la Cà Granda.

La Cà Granda l'è on edifizzi in del center de Milan.
L'è stada mettuda in pee in del 1456 de l'architett fiorentin Filarete (sotta el govern del Francesch Sforza), e l'è servida 'me sede de l'Ospedal Magior fina al 1939. L'è considerada vun di oeuver pussee important del Renassiment lombard. Cont el passà di agn (e soratutt in del XVIII-XIX secol) la gh'ha 'vuu di sgrandiment. I ultem lavorà hinn staa faa in del 1805.
In del '39 l'ospedal el s'è spostaa a Ninguarda. In del 1943 i bomb di Leaa hann traa giò on gran bell tocch de l'edifizzi, che poeu l'è staa restauraa despoeu la guerra.
A partì del 1958 l'è deventada la sede central de l'Università Statal. A ogni bon cunt, in de la Cà Granda gh'è restaa l'archivi de l'Ospedal e olter ofizzi; inoltra, lì arent al dì d'incoeu a gh'è anca el Policlinegh de la città.